JABURU 96 - KITABI HABARI MOPIOHEAllahu Taa̒ala, Olongia tau̒daa̒ ( Boh. Taw. 16:23-33 ) 1 Polahuwalo mola lahu bohu ode Eeya! Polahuwalo mola ode Eeya, wuu dunia ngoilanggubulo mao̒! 2 Polahuwalo mola ode Eeya wau pujiaalo Eeya; timii̒du dulahu pololadelo habari meengahu deu̒ Eeya malo poa̒ahu olanto. 3 Wungguliyalo odudaa̒ lo Eeya ode babaa-ngusawalo, wau totoonulalo huhutu lo Eeya u molotolo boli buheli daa̒ to umati lomanusia. 4 Sababu udaa̒alo mola Eeya, wau laba-labaalo ilopujia, wau musi ooheelo lebe lou̒ totoonulalo dewa. 5 Dedeewaalo bangusa wewo bo bui̒ balaahala, bo Eeya yito talo powali dulente daa̒. 6 Eeya yilanggube lo odudaa̒ wau omumulia, Bele lo Eeya polupolu lokawasa wau mopiohe daa̒. 7 Pujiaalo mola Eeya, wuu umati lo manusia, pujiaalo mola odudaa̒ wau olootolo Eeya! 8 Pujiaalo mola tanggulo Eeya u molamahu, wau delowalo bake ode delomo Bele lo Eeya. 9 Tubowaalo Eeya wolo momake pakeyangi potabiyalo! Pohumuhelolo totalu lo Eeya, wuu ngoilanggubu dunia! 10 Pohabariyalo to babaa-ngusawalo, “Eeya boito Olongia! Dunia motoheto diila oe̒etua; Eeya mamomutoa̒i babaa-ngusawalo wolo aadili.” 11 Poti wengahulo, wuu hulungo wau dunia! Potihulaube lomola wuu deheto wau ngoa̒amila tuangio! 12 Poti wengahulo, wuu huta datahu wau luasi daa̒ wau totoonulalo pilomulolio! Bubuu-ngowaalo ayu to oa̒ayua mamo tinga-tingalaa̒a meengahu. 13 Sababu Eeya dungga-dungga mai momalenta to dunia, Eeya mamomutoo̒ babaa-ngusawalo wolo aadili wau juujulu. |
LAI 2006
Indonesian Bible Society