JABURU 87 - KITABI HABARI MOPIOHE

Poloi̒laalo momuji duo̒lo Yerusalemu

¹ Jaburu lokaumu Korah, lahu tuwau. Eeya lopotihulao̒ kota lo Eeya toitaato huludu lo Eeya u mantali.

² Lonto ngoa̒amila kota to Isirai̒lu, Yerusalemu u pilonua daa̒ lo Eeya.

³ Dungohilo, wuu kota lo Allahu Taa̒ala, susuu-aliyaalo u moo̒linggolabu pilotahuda mai lo Eeya pasaliimu:

⁴ “Masiri wau Babel mapo tuwotu-U̒ mao̒ todelomo daputali lo babaa-ngusawalo tamodungohe to ola-U̒. Tumbao̒ Pilistea, Tirus wau Sudan tumuwota todelomo yia̒apo ulipu lo Yerusalemu.”

⁵ Ode Sion tau mamoloi̒ya, deu̒ ngoa̒amila bangusa meituwoto ulipulio, wau deu̒ Taa Laba-labaalo molanggato mamo poo̒toheta olio.

⁶ Eeya mamopo tuwotao̒ babaa-ngusawalo todelomo daputali ulipu lo Yerusalemu.

⁷ Timongolio mamo ngelungo wau mopolahu mola, “Sion yito tambati lo asaaliu̒ mai!”