Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

JABURU 62 - KITABI HABARI MOPIOHE


Yakini to poloduo̒lo Allahu Taa̒ala

1 Duo̒lo diriheni lopolemboa̒ tamoolahua. Lodudua̒a: Yedutun. Jaburu lei Dauda.

2 Wolo duo̒duo̒oto jiwa lowatia hemohima mai Allahu Taa̒ala, monto Eeyaalo wambao̒ oa̒ahu lowatia.

3 Bo Eeya tamoduo̒la wau mopoa̒ahu mai olaatia, Eeya tamooduulua olaatia, watia diila tamoe̒etu.

4 Tunggula omolua timongoli ngoa̒amila ohilaa moluhu ngotaalio tamaa debo odelo dingingo u yinti-yintili wau dingingo meeseli u ngopee̒ moloohubu?

5 Timongoli bo oniyati mopodehu olio monto huhuloa̒lio u molanggato. Timongoli ohilaa mohimbulo; wolo tunggilumu timongoli mobalakati, bo todelomo hilaa timongoli hemolaa̒nati.

6 Wolo duo̒duo̒oto hilaa lowatia hemohima mai Allahu Taa̒ala, monto Eeya wambai̒o oa̒ahu lowatia.

7 Bo Eeya talo duo̒lai wau lopoa̒ahu mai olaatia; Eeya tamooduulua olaatia, watia diila tamoe̒etu.

8 Eeyaalo Allahu Taa̒ala talongohi mai olaatia oa̒ahu wau ohurumati, Eeyaalo tamoo-duo̒lawa olaatia wau tamooduulua tamolotolo.

9 Wuu bangusaau̒, pohalaapulo mola to Allahu Taa̒ala timii̒du wakutu; popaa̒alo mola tuango hilaamu to Eeya, sababu Eeyaalo tambati potiduo̒lanto.

10 Manusia bo ngohiipo napasi, udaa̒ kikiio̒ tutuuwauwa diila ohalaga. Wonu timengoolo, timongolio mopatato moheelo, lebe moheelao̒ wolo ngopohiipo lo napasi.

11 Diila mao̒ pohalaapu to tilapulo u lotapu mai wolo untungi dadaata daa̒, wau diila mao̒ pongakua balangi u yilambato. Tumbao̒ wonu okokayaamu oduhenga mola, diila mao̒ podembinga hilaamu to okokaya boito.

12 Poo̒-poo̒ongolo wau̒ loo̒dungohe Allahu Taa̒ala helo tahuda mai deu̒ okokawaasa bungolio mai lonto Eeya,

13 wau deu̒ Eeya debo momonu. Eeya, yaa Eeya, molontuli mai timii̒du tau motuuu̒de wolo huhutuulio.

ကြှနျုပျတို့နောကျလိုကျပါ:



ကြော်ငြာတွေ