JABURU 6 - KITABI HABARI MOPIOHE

Dua̒ todelomo usuusa

¹ Duo̒lo diriheni lopolemboa̒ tamoolahua. Wolo yiyitohu kocapi. Lodudua̒a lahu owalulio. Jaburu lei Dauda.

² Eeya, diila mao̒ patea watotia todelomo omuluka lo Eeya, diila mao̒ hukuumania mai watotia todelomo omuluka lo Eeya.

³ Ponualo mai watotia yaa Eeya, sababu watotia ilopulita lo lotolo, poo̒lotolaalo mai watotia sababu watotia moongolo daa̒.

⁴ Hilaa lo watotia lolingu daa̒; tunggula omolua Eeya mololaa to watotia, yaa Eeya?

⁵ Pohualingolo mai, yaa Eeya, wau lopotaalo mai watotia, poa̒ahuwalo mai watotia sababu ponu lo Eeya.

⁶ Sababu todelomo aalamu lomautu Eeya diilalo o eela; diaaluo tamomuji Eeya todelomo dunia lotaa lopuunungo.

⁷ Watotia diila o lotolo sama-samaata sababu yiloongolo hemo podulohu: timii̒du hui ponu lowatotia tilumolohu heloo̒ bata tambati potuluhe lowatotita.

⁸ Mato lo watotia moliliu̒lo sababu suukali, wau diila boti motilango sababu mumuu-suuwaalo watotia.

⁹ Pohinggilo mao̒, wuu tau-tauwalo tahileeta, sababu Eeya malo dungohe hiyonguu̒.

¹⁰ Eeya lodungohe polohoneu̒ wau lololimo dua̒au̒.

¹¹ Ngoa̒aa̒mila musuuu̒ mao̒oheaalo wau moolito wau hua̒a tumouli wolo molamemeto.