JABURU 54 - KITABI HABARI MOPIOHE

Dua̒ mei̒ duo̒lai

¹ Duo̒lo diriheni lopolemboa̒ tamoolahua. Wolo tunu-tunuhu kocapi. Lahu pongaajali lei Dauda,

² tou̒ taulo Jipi lonao̒ mai loloi̒ya odelei Saulu, “Tei Dauda helo tituuo̒ to olami.”

³ Yaa Allahu Taa̒ala, poa̒ahuwalo mai watotia sababu kawasa lo Eeya, wohia mai ua̒adili to watotia sababu olootolo Eeya.

⁴ Dungohilo polohone lowatotia, yaa Allahu Taa̒ala, podapatolo mopoo̒tuoto loi̒ya lowatotia.

⁵ Sababu taa deli tilimihula moluhu olo watotia, taa soombongi ohilaa momate olo watotia mate-mateelo mao̒, diila pandungio limongolio Allahu Taa̒ala.

⁶ Bo Allahu Taa̒ala yito tamoo-tulungia olo watotia; Eeya yito tamooduulua olo watotia.

⁷ Eeya mamo hukuumani mai musu lowatotia wolo ololeeto limongolio lohihilao, wau mopobinasa olimongolio sababu Eeya tatapu wau molotolo hilao to watotia.

⁸ Wolo iloheela lohilao podewo lowatotia bake ode Eeya, wau mosukuru mola to Eeya sababu Eeya mopiohu, yaa Eeya.

⁹ Eeya malo lopatai olo watotia lonto totoonulalo polodutolo, wau iloontonga lowatotia musu lowatotia ilolaahe.