JABURU 53 - KITABI HABARI MOPIOHE

Ololeeto lo manusia

¹ Duo̒lo diriheni lopolemboa̒ tamoolahua. Lodudua̒a lahu: Mahalat. Lahu pongaajali lei Dauda.

² Taa abaloolo hemoloi̒ya todelomo hilao, “Diaaluo Allahu Taa̒ala.” Huhutu limongolio moleeto wau mokootoro; diaaluo tahipo hutua u mopiohu.

³ Lonto sologa Eeya lomilohei umati lo manusia, u mololohe tamolinepo tamolubo to Eeya.

⁴ Bo ngoa̒amila tau malo halahu lonto dalalo u otutu wau maloleeto pii̒li limongolio diaaluo penu boli ngotaa mao̒ tahe lohutu u mopiohu.

⁵ Tahuda mai lo Eeya, “Tingga diila mongalati tau-tauwalo tahileeta boito? Timongolio hitumula bo hemo lambata to umati-U̒, wau diila pee̒enta mao̒ helodua̒ ode Olau̒.”

⁶ Taa moleeto mamoohe daa̒, lebe-lebe pomao̒ diaaluo u moo̒ohe, sababu Allahu Taa̒ala helo populati tulalo lotaa u hipomalawa olimongoli; timongolio mapilopo touli lo Allahu Taa̒ala, yi timongoli mamopo olaaheo̒ olimongolio.

⁷ Monto huludu Sion potala podunggaalo mai oa̒ahu duo̒lo Isirai̒lu. Yi wali mai lei Yako mamo tiwengahu wonu Eeya moponguli mai owowoluwoa lo umati-Lio.