JABURU 13 - KITABI HABARI MOPIOHE

Dua̒ lotaa u hideehea

¹ Duo̒lo diriheni lopolemboa̒ tamoolahua. Jaburu lei Dauda.

² Tunggula omolua lipato mai lo Eeya watotia yaa Eeya?

³ Tunggula omolua watotia musi momanta suusa, wau suukali lohilao ngotupa lo dulahu? Tunggula omolua watotia kawaasa lomusu?

⁴ Bilohilo mai watotia, yaa Eeya Allahu Taa̒ala lowatotia, tametilo mai dua̒ lowatotia. Pongulialo mai lotolo watotia, wau diila mao̒ polulia watotia mate.

⁵ Diila mao̒ polulia musu lowatotia moloi̒ya deu̒ timongolio malo poo̒laaheo̒ olo watotia. Diila mao̒ polulia timongolio mohantia̒ olo watotia.

⁶ Sababu watotia hemo pongaku ponu lo Eeya, yi watotia mamo tiwengahu sababu Eeya lopoaahu mai olo watotia. Watotia ohilaa mopolahu mola ode Eeya, sababu Eeya malohutu mai mopiohe olo watotia!