JABURU 127 - KITABI HABARI MOPIOHE

Momuji mola opopiohu lo Eeya

¹ Lahu lei Salomo. Wonu diila Eeya tamomongu bele, diila ohuna mongo panilio mokalaja. Wonu diila Eeya tamo lilunga kota, diila ohuna tahi pokawalia modaha.

² Diila ohuna wambai̒o mokalaja tio̒opatea mopeehu ua̒alo, mobongu didimodupo wau motuluhu tomutaa̒a lou̒ hui; sababu Eeya mopoheetu mao̒ ode limongolio tapilonu-Lio, tou̒ timongolio donggo hituluhe.

³ Tau̒ kekeei̒ yito wowohi mai lo Allahu Taa̒ala, tutuulio tutu, timongolio boito wowohi mai.

⁴ Walao̒ tololai̒ talotapu mai tou̒ donggo humula debo odelo walao̒ pana to uluu̒ lo pajule tamolotolo boli buheli.

⁵ Potisanangilo tutu taa u o poheetu papaa-nawaalo u odito! Tio diila tao̒laahe, tou̒ motaalua wolo musu to bubutoo̒.