JABURU 124 - KITABI HABARI MOPIOHE

Allahu Taa̒ala tamoo-duo̒lawa umati-Lio

¹ Lahu jiara lei Dauda. Woloolo mola humayaalio Eeya diila motiwambao̒ ode olanto? Wuu Isirai̒lu, tametilo mao̒ odie mola:

² “Humayaalio Eeya diila motiwambao̒ ode olaanto tou̒ ito tuhuo lomusu,

³ yi ito matiloololo hitumula, lo oyiyingo limongolio u wali-walihuhu.

⁴ Yi ito mapileelihu lo taluhee daa̒, wau yilomo lotaluhu;

⁵ yi ito mailate loa̒ahumo todelomo huloyongo taluhu u moo̒ohe.”

⁶ Dulo ito mosukuru mola to Eeya, sababu Eeya diila mopoluli olanto pobinasaa lomusu.

⁷ Ito debo odelo bulungi u moo̒huli monto popotilo lo tamoo-ngalupawa, popotilo boito malobunto, wau ito olo loo̒huli!

⁸ Tamoo-tulungia olanto meidungga mai monto Eeya talo powali hulungo wau dunia.