JABURU 122 - KITABI HABARI MOPIOHE

Poloilaalo momuji ode Yerusalemu

¹ Lahu jiara lei Dauda. Watia leengahu tou̒ tau loloi̒ya ode laatia, “Dulo ito ode Bele lo Eeya!”

² Botia amiaatia malei dungga to hulubangi kota Yerusalemu.

³ Yerusalemu u bilongu odelo kota leisuusungi mopiohu wau hitua-tuawua sanangi bilohelo.

⁴ Odiyalo mai susuu-kuwaalo bangusa monao̒ mai, susuu-kuwaalo bangusa tilulaoto Eeya, u mosukuru mola to Eeya motuuu̒de wolo palenta lo Eeya.

⁵ Teteewelo mongo olongia wali mai lei Dauda lomutoa̒ ulipulio.

⁶ Podua̒alo mola duo̒lo osalaamati lo Yerusalemu: “Pohileaala dua̒ ngoa̒amila taa u motohilaa olemu moa̒ahu.

⁷ Pohileaala dua̒ maito dame todelomo madalamu, wau otaantaramu todelomo bibii-ntengimu.”

⁸ Domi kaumu tamo dudula wau sahaabati laatia watia molo loi̒ya mai, “Pohileaala dua̒ yio̒ moa̒ahu!”

⁹ Domi Bele lo Eeya, Allahu Taa̒alanto, wau̒ modua̒ mola alihu yio̒ sanangi tutu.