JABURU 120 - KITABI HABARI MOPIOHE

Dua̒ mei̒ tuulungi

¹ Lahu jiara. To delomo osuusa lowatotia watotia longiibode mola to Eeya, wau Eeya lolametai olo watotia.

² Yaa Eeya, ambunguolo poa̒ahuwalo mai watotia monto tamoo-himbuloa wau tamoo-ngaakalia.

³ Wuu tamoo-ngaakalia, wolo u mapohutuo mai lo Allahu Taa̒ala to olemu? Woloolo mola Eeya mamo hukuumani mai olimongoli?

⁴ Wolo pana luiluito lo ngotaalio tamoo-hipatea, wolo bohu u lei̒-lei̒ito!

⁵ Maa tilopotala wau̒ sababu musi tumumulo pee̒-pee̒enta wolemu; diaaa̒ hiheedio debo odelo bilu-biluloa̒ to Mesekh, meaalo towolota taulo Kedar.

⁶ Malotuuu̒de hiheolio watia lotibiluloa̒ pee̒-pee̒enta wolo tau-tauwalo tadiila motohilaa dame.

⁷ Wonu watia mobisala pasali lo dame, timongolio mokahandaki popaatea.