JABURU 1 - KITABI HABARI MOPIOHE

BUKU BOHULIO: JABURU 1–41 Osanangi tutu

¹ Potisanangilo tutu taa u diila moduduo̒ potua lotaa moleeto, diila heloo̒baaya taa odusa wau diila moa̒awota wolo taa u hemohina Allahu Taa̒ala,

² bo taa ohilaa moponao̒ Palenta lo Eeya wau motoloe̒ela mola hui wau dulahu.

³ Tau boito otilapulo todelomo totoonulalo tolopanilio; tio debo odelo bungo lo ayu tobiihu dutulaa u momungo to sembolio wau diila pee̒enta mao̒ mololante duungio.

⁴ Bolii̒o mao̒ taa moleeto: tio debo odelo konga u potomboto dupoto.

⁵ Taa moleeto mahukuu-manio mai lo Allahu Taa̒ala, hakimulio wau pobua̒lo monto umati-Lio.

⁶ Sababu taa modungohe deloolio wau duo̒la lo Eeya, bo taa moleeto dulu-dulunga ode obobinasa.