Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

BOHULO SEMUEL 16 - KITABI HABARI MOPIOHE


Tei Dauda piludui̒o lowali olongia wolo upacala powinulo

1 Dengolo wakutu mola lapatio mao̒ Eeya lotahuda mai odelei Semuel, “Ngoolo mola poli hiheolio hilaamu susuukali sababu tei Saul? Diila maatio tai̒laku odelo olongia lo Isirai̒lu? Botia, hamaawa mao̒ winulo jaitun wau ponao̒lo ode Betlehemu, ode ngotaalio tai̒lunte Esai, sababu tala ngota lomongo walai̒o matilulaotu-U̒ lowali olongia.”

2 Bo tei Semuel lolametao̒, “Woloolo mola watotia musi mohutu mao̒ uito? Wonu sua̒li boito odungohe lei Saul, tantulo mao̒ watotia pateelio mate-mateelo mao̒!” Eeya lotahuda mai, “Delowalo sapi buboto tuwau, wau poo̒taa mao̒ ode ulipu deu̒ yio̒ monao̒ mola odito u mopodewo bake ode Eeya.

3 Lapatao̒ toduwalo tei Isai ode upacala pobakeyalo boito. De mapoo̒taa-U̒ mai wolo u musi pohutuomu. Taa u poi̒laalo-U̒ mai olemu boitolo, tamusi puduo̒mu mowali olongia.”

4 Tei Semuel lopohutu mao̒ debo odelo u tilahuda mai lo Eeya. Tou̒ tio leidungga mola to Betlehemu, mongo tau̒wa lokota lolutulao̒ olio lou̒ iloohea wau lohintu, “Wolo nonao̒ mai li Paaa̒ mopodungga mai oa̒ahu?”

5 Tametao̒ lei Semuel, “Ooo̒, otutu. Wau̒ monao̒ mai mopodewo bake ode Eeya. Yi pomantaliyalo batangamu alihu moo̒ dudua̒a upacala pobakeyalo boito.” Tei Isai wau mongo walai̒o ahuli mao̒ olo mopo mantali batangalio ngota-ngota, wau toduwola ode upacala boito.

6 Tou̒ timongolio lotia̒mbu wau tei Semuel loo̒onto mao̒ olei Eliab walae̒e Isai, to pikiilangilio mola deu̒, “Matantu utieelo tamaa tulaoto lo Eeya.”

7 Bo Eeya malo tahuda mai odelei Semuel, “Yio̒ diila mao̒ oa̒anga lolakulio u gaaga wau molanggato wawai̒o; diila tio taa kahandakiyo-U̒. Wau̒ diila momilohe debo odelo bibilohio lo manusia. Manusia bo momilohe baya, bo Wau̒ momilohe hilao.”

8 Lapatao̒ tei Isai lotiangao̒ olei Abinadab, walai̒o, tulusi ilahulalio lotaalua wolei Semuel. Bo tei Semuel loloi̒ya, “Tio olo diila tilulaoto Eeya.”

9 Lapatao̒ tei Syama ilahula lei Isai lomaju, bo tei Semuel loloi̒ya, “Tio olo diila tilulaoto Eeya.”

10 Odi-odieelo mola tei Isai tutuuyuta helo poa̒hu lowalai̒o mohelupitu lotaalua wolei Semuel, bo tei Semuel loloi̒ya mao̒ olio, “Timongolio diila tilulaoto Eeya.”

11 Lapatao̒ malohintu tei Semuel olio, “Bo wamabao̒ utieelo walau̒mu mongo lolai̒?” Tametao̒ lei Isai, “Donggo woluo ngotaalio poli, tawali-yali daa̒, bo tio donggo hemo himbala himba.” Tei Semuel luli loloi̒ya mao̒, “Ahulilo mota tau motiangai olio, sababu ito diila tamo lamelo tou̒ tio diipo meidungga mai.”

12 Lapatao̒ tei Isai lei̒ tiangai walaa̒a boito. Yi malo patatao̒ deu̒ tio tabohulotau ngota gaaga wau seehati, wau matolio molamahu. Lapatao̒ malo tahuda mai Eeya odelei Semuel, “Utieelo tio; pudua̒alo mao̒ tio!”

13 Lolamemeto tei Semuel lohama winulo jaitun boito wau lomudua̒ olei Dauda wolo upacala powinulo totalu lomongo hulangio. To saaa̒ti boitolo tei Dauda kiluwaasa mai Rohullah. Tumulalo mai todulahee boito wau lololaalaaita mola Rohu lo Eeya pee̒-pee̒enta wolio. Lapatao̒ malo hualingo tei Samuel ode Rama.


Tei Dauda to bele biluloa̒ saaha li olongia Saul

14 Tutuulio tutu tei Saul matilolaa Rohullah, wau botia tio he silikisa lorohu u moleeto tailao mai lo Eeya.

15 Sababu uito mongo wato lei Saul loloi̒ya mao̒ oilo, “Otaawa lamiaatia deu̒ rohu u moleeto tailao mai lo Eeya hemopo sikisa oli Baginda.

16 Wonu ti Baginda akolo, amiaatia dapa-dapato mololohei ngotaalio tamotota moitohe kocapi. Wonu bolo ti Baginda sikisaalio lorohu u moleeto, yi tau boito mowali mopoitoheo̒ kocapilio, wau ti Baginda mamuli olulia mai lohilao.”

17 Lapatao̒ tei Saul lomalentao̒ olimongolio, “Lolohelo mai ngotaalio tamotota moitohe muusiki, wau delowalo mai odia.”

18 Loo̒dungohe uito ngotaalio lowatolio loloi̒ya, “Tei Isai ulipu lokota Betlehemu o ngotaalio walao̒ tamotota moitohe muusiki. Tio buheli wau ngotaalio lopajule tamopiohu. Boli tio molotolo wau motota mobisala, wau Eeya laito hemo tulungi olio.”

19 Yi tei Saul malolao mola utolia odelei Isai lodelo tahuli botie, “Ahuli mai walau̒mu tei Dauda, tahemodaha hihiimbamu boito mai motaalua wolau̒.”

20 Lapatao̒ tei Isai lopodapato mao̒ kolodai tuwau, tulusi diletohelio wolo walao̒ batade tuwau, roti wau bututu walito u polupolu lo angguru. Ngoa̒amilalo boito yilohilio olei Dauda u podewolo odelei Saul.

21 Odi-odieelo mola tei Dauda malonao̒ mai odelei Saul wau lowali watolio. Tio otolia̒ngio daa̒ lei Saul wau piludui̒o lowali tamoodeloa tingololio.

22 Lapatao̒ tei Saul lolao tahuli odelei Isai odie, “Tei Dauda otohilaau̒. Polulia mao̒ tio debo bilu-biluloa̒ tewe wau momaya olau̒.”

23 Tumula mao̒ tou̒ boito, timii̒du tei Saul henao̒o mai lorohu u moleeto boito, tei Dauda hemohama mao̒ kocapilio wau mopoitoheo̒. Lapatao̒ tei Saul molaasa duo̒duo̒to wau olulia mola lohilao poli, sababu hetolaa mao̒ lorohu u moleeta boito.

ကြှနျုပျတို့နောကျလိုကျပါ:



ကြော်ငြာတွေ