Dodadi 10 - O GIKIMOI AWI JAJI ma BUKU

O Nuh awi ngopa de awi danoku

¹ O Nuh awi ngopa o Sem, de o Ham, de lo o Yafet manga jarita, ma orasi taufani daboloku, de to ona manga ngopa-ngopa yasibubuo gena manga ronga ona magenena.

O Yafet awi ngopa de awi dano

² O Yafet una gena awi ngopa yanau o Gomer, o Magog, o Madai, o Yawan, o Tubal, o Mesekh de lo o Tiras.

³ O Gomer una gena awi ngopa yanau o Askenas, o Rifat de lo o Togarma.

⁴ O Yawan una gena awi ngopa yanau o Elisa, o Tarsis, o Kitim de lo o Dodanim.

⁵ Ona manga ngopa de manga danoku o bi guraka igogoge de yodobiau o tona moi de moika gena, yamote manga bi bangsa ma soa de kanaga moi-moi de to ona manga bahasa masirete.

O Ham awi ngopa de awi dano

⁶ O Ham una gena awi ngopa yanau o Kush, o Misraim, o Put de lo o Kanaan.

⁷ O Kush una gena awi ngopa yanau o Seba, o Hawila, o Sabta, o Raema de lo o Sabtekha. O Raema una gena awi ngopa yanau o Syeba de lo o Dedan.

⁸ O Kush una magena awi ngopa de awi danoku moi awi ronga o Nimrod, de una magena ma noma-noma awi buturu foloisi ilamo de awi sihino o Kushno.

⁹ Una lo o Jou Awi laha wosidumu so wodiha lo wiputuru. Komagena so nakoso o nyawa moi kanaga la wodiha wiputuru de o nyawa lo itemo, “Una magena maro o Nimrod o Jou Awi laha wosidumu so wodiha lo wiputuru.”

¹⁰ O Nimrod gena ma nonomaka o tona wapopareta gena o Babel, o Erekh, de lo o Akad o bi kota o Sinear ma tona ma rabaka.

¹¹ O tona magenaka de wotagi o Asyur ma tonaka, de kagena wosigoko kali o bi kota o Niniwe, o Rehobot-Ir, o Kalah,

¹² de lo o Niniwe de o Kalah ma soaka wosigokoli awi kota ilalamo moi gena o Resenka.

¹³ O Misraim gena una awi ngopa de awi danoku o nyawa ona magena igoge o daera o Ludimka, o daera Anamimka, o daera Lehabimka, o daera Naftuhimka,

¹⁴ o daera Patrusimka, o daera Kaftorimka de lo o daera Kasluhimka. (O Kasluhimka ma nyawa gena o Filistinka ma nyawa manga sihino.)

¹⁵ O Kanaan gena una awi ngopa woriria o Sidon de wononongoru o Het.

¹⁶ De o Kanaan gena awi ngopa de awi danoku o nyawa ona magena igoge o daera o Yebusika, o daera Amorika, o daera Girgasika,

¹⁷ o daera Hewika, o daera Arkika, o daera Sinika,

¹⁸ o daera Arwadika, o daera Semarika de lo o daera Hamatika. Done o Kanaan ma bi soa-soa gena yodobiau

¹⁹ so manga tona ma bati gena o Sidonka de ikahika o Gerarka o Gaza ma dateka de ikahika lo o Sodomka, o Gomoraka, o Admaka de lo o Zeboim o Lasa ma dateka.

²⁰ De ma dodoguka gena dangoduka o Ham awi ngopa de awi danoku manga tahu ma raba moika yamote manga bi daera eko manga bi bangsa de ma rabaka lo manga soa moi-moi de lo manga bahasa masirete.

O Sem awi ngopa de awi dano

²¹ O Sem gena o Yafet ma ria, una magena awi ngopa de awi dano moi awi ronga o Eber.

²² Komagena o Sem una magena awi ngopa de awi dano ma binuka o Elam, o Asyur, o Arpakhsad, o Lud de lo o Aram.

²³ O Aram una gena awi ngopa de awi dano o Us, o Hul, o Geter de lo o Mas.

²⁴ O Arpakhsad una gena awi ngopa yanau o Selah, de o Selah gena awi ngopa yanau o Eber.

²⁵ De o Eber una gena awi ngopa yanau yasinotoka. Woriria gena wisironga o Peleg (ma ngale gena kitinga) sababu ma orasi wooho de o bi nyawa imakitinga de ibiauka. Wononongoru gena wisironga o Yoktan.

^26-29 O Yoktan una gena awi ngopa de awi dano o Almodad, o Selef, o Hazar-Mawet, o Yerah,

²⁷ o Hadoram, o Uzal, o Dikla,

²⁸ o Obal, o Abimael, o Syeba,

²⁹ o Ofir, o Hawila de lo o Yobab.

³⁰ Awi ngopa de awi dano gena yangodu manga goge o Mesaka de ikahika o wange ma nyonyieka o Sefar ma bi talaka.

³¹ De ma dodoguka o Sem awi ngopa de awi danoku gena yangodu manga tahu ma raba moika yamote manga bi daera eko manga bi bangsa, de ma rabaka o soamoi-soamoi lo de manga bahasa masirete.

³² O soamoi-soamoi lo dangodu magena manga sihino o Nuhno yamote manga ngopa de manga dano ma dala. Komagena o taufani daboloku de ona magena asa imatinga idadi o bi bangsamoi-bangsamoi.