Ndawi 134 - Ala Wone Peenok Peebi Mbanak

Oonikiya paga Ala tiyappogo logorak wone Ndawi warit lagi nogogwaarak.

¹ Kit Aliku ALA ayeloman mini yi wae. Kit abok Aliku ALA tiyappugwi, Oonikiya paga Aliku ALA awi wurik me ake eekwi yi, At alut eekwi, Eeko logonip o.

² At awi wurik alik leenak menggim nen kineenggi nippugwi, Nippunuk, Aliku ALA tiyappugwi, Eeko logonip o.

³ O mbogut-nggween wakkagagerak Aliku ALA nen O Tiyon logonet ale'nggen kinoba pinagage logowak o.