1 Mbinineegwaarak 3 - Ala Wone Peenok Peebi Mbanak

Ndawut apuri aap ndaganabeegerak paga wigannogogwaarak wone

¹ Ndawut o Keboron logonet, apuri aap ambo'me-ambo'me ndaganabeegerak nogo inendage yi o. Apuluk manggu ndarak ti, kwe Yiteren mendek endage Akinowam aagaluk aap Amonon aret. Ambokan ndarak ti, kwe Karemen mendek Abigayin aagaluk aap Ndaniyen aret.

² Ambokan ndarak ti, aakumi Nggetut mendek inowe endagembogut Talamayi apuluk kwe Maaka aagaluk aap endage Abatalom aret.

³ Ambokan ndarak ti, kwe Kagit aagaluk aap endage Aroniya aret. Ambokan ndarak ti, kwe Abitan aagaluk aap endage Tepaka aret. Ndi, ambokan ndarak ti, akwe Egala aagaluk aap endage Yitereyam aret.

⁴ At Ndawut nogo, o Keboron time endagembogut a'nuk, wone lengganogo yorage kagak, tahun 7 eeppunuk, ambi eeke tut 6 peneneegerak me, time logonet, apuri ineebe 6 ndaganabeegerak ti aret. Ndi, o Yerutalem aakumi wone lengganogo yorage kagak, tahun 33 eeke logonet,

⁵ apuri ndaganabeegerak ti, Amiyen apuluk kolaga Mbatiyeba wagangge nagagerik, apuri ineebe 4, ambi Tiyamuwa, Tobap, Natan, Talomo aret ndaganake,

⁶ ndi, apuri ambinom ineebe 9, Yibakat, Elituwa, Elipelet,

⁷ Noga, Nepek, Yapiya,

⁸ Elitama, Eliyara, Elipelet ndaganake, eereegerak.

⁹ Akuwi ayeloman mini mendek wogo nogo, inaagalogwe aap linggininabulik. At apuri kumi abe wogo inaagalogwe aap mban lingginik ti aret. Ndi, at kolaga Tamat ti, wologwe ti iniriluk aret.

At Talomo paga wiganak aap inendagembogut ogogwaarak wone

¹⁰ At Talomo nen aput Erekabeyam ndake, Erekabeyam nen aput Abiya ndake, Abiya nen aput Ata ndake, Ata nen aput Yotapat ndake,

¹¹ Yotapat nen aput Yoram ndake, Yoram nen aput Akatiya ndake, Akatiya nen aput Yowat ndake,

¹² Yowat nen aput Amatiya ndake, Amatiya nen aput Atariya ndake, Atariya nen aput Yotam ndake,

¹³ Yotam nen aput Akat ndake, Akat nen aput Kitikiya ndake, Kitikiya nen aput Manate ndake,

¹⁴ Manate nen aput Amon ndake, Amon nen aput Yotiya ndake, eereegwaarak.

¹⁵ Ndi, at Yotiya nen apuri aap ndaganabeegerak ti, aput manggu Yokanan ndake, at ambo'me Yoyakim ndake, at ambo'me Terekiya ndake, at ambo'me Talum ndake, eereegerak.

¹⁶ At Yoyakim obaane'me aput Yoyakin ndake, ndi, Yoyakin obaane'me Terekiya ndake, eereegwaarak.

Aap endagembogut Yoyakin paga wigannogogwaarak wone

¹⁷ Aap keele maarak o Mbaben pi nagagerak Yoyakin nogo paga wigannogogwaarak ti, at aput Teyalitiyen.

¹⁸ Ndi, at Teyalitiyen apuri ti, Malikiram, Peraya, Tiyenatat, Yekamiya, Kotama, Nerabiya aret.

¹⁹ At Peraya apuri ti, Terubaben Timeyi imbirak aret. At Terubaben apuri ti, Metulam, Kananiya imbirak. Ndi, it iniriluk kolaga Telomit aret.

²⁰ Ti'nuk, ineebe 5 ambinom ndaganabeegerak ti, Katuba, Oken, Mberekiya, Kataya, Yutap-Ketet aret.

²¹ At Kananiya apuri ti, Pelaka Yetaya imbirak. Ndi, at Yetaya nen aput Erepaya ndake, Erebaya nen aput Aranan ndake, Aranan nen aput Obaya ndake, Obaya nen aput Tekaniya ndake, eereegwaarak.

²² Ndi, at Tekaniya aput Temaya. Aap Temaya apuri 5 ndaganabeegerak ti, Katut, Yigan, Mbariya, Neyariya, Tapat aret.

²³ Ti'nuk, Neyariya apuri aap kenagan ndaganabeegerak ti, Eliyowenayi, Kitikiya, Atirikam aret.

²⁴ At Eliyowenayi apuri aap 7 ndaganabeegerak ti, Korawiya, Eliyatip, Pelaya, Akup, Yokanan, Ndelaya, Anani aret.