MAZMUR 98 - KITTA KAREBA MADECENG

Allataala panguwasana linoé

¹ Mazmur. Elongengngi élong baru Puwangnge, nasaba sining pangkaukenna iya mappabengngaé! Nasibawang akuwasang sibawa awatangenna muto purani lolongeng apakalang.

² Puwangnge mabbirittangngi apakalan-Na; Napannessai adéléken-Na lao ri bangsa-bangsaé.

³ Naéngngerangngi pammasé sibawa atinuluren-Na lao ri Israélié, umma'-Na. Sininna bangsaé ri sininna linoé purani naita apakalanna Allataala.

⁴ Gora-gorano untu' Puwangnge, éh sininna linoé! Pojiwi Puwangnge sibawa élong nenniya gora-gora marennu.

⁵ Puwélonno pappojiyang untu' Puwangnge, sibawa maggetti kacapi.

⁶ Seppunni tarompé'é sibawa sangkakalaé, gora-gorano untu' Puwangnge, Arutta.

⁷ Memmu'no éh tasi sibawa sininna lise'na linoé sibawa sininna iya monroiyéngngi.

⁸ Leppessangngi sining saloé mappaleppa, sibawa sining bulu-bulué gora-gora ri yolona Puwangnge.

⁹ Saba' poléi untu' madélékiwi linoé; Naadélékiwi matu bangsa-bangsaé sibawa adélé enrengngé tongeng.