MAZMUR 87 - KITTA KAREBA MADECENG

Pappojiyang untu' Yérusalém

¹ Mazmurna appang Korah, séuwa élong. Napatettongngi Puwangnge kota-Na ri tompo'-Na bulu-buluna iya mapaccingngé.

² Polé risininna kotana Israélié, Yérusalém kaminang Namaséi.

³ Engkalingai, éh kotana Allataala, gau'-gau' iya mappabengngaé Napowadai passalenna iko:

⁴ “Maséré sibawa Babél Uputtama'i matu ri laleng daftarna bangsa-bangsa iya mapatoé lao ri Iyya. Mala Filistéa, Tirus sibawa Sudan muttama'i ribilang pabbanuwana Yérusalém.”

⁵ Lao ri Sion makkedai matu tauwé, makkedaé sininna bangsaé muttama'ni wargana, sibawa Iya Pommatanré pakkasse'i matu.

⁶ Naputtama'i matu Puwangnge bangsa-bangsaé ri laleng daftarna pabbanuwana Yérusalém.

⁷ Séré-séréi matu mennang sibawa makkélong, “Sion iyanaritu onrong assalekku!”