MAZMUR 6 - KITTA KAREBA MADECENG

Sempajang ri laleng asussang

¹ Untu' pamimping kor. Nasibawang kacapi. Situru lagunna maaruwaé. Mazmurna Daud.

² Puwang, aja' muajara'ka ri laleng cai-Mu, aja' Muhukkukka ri laleng cai-Mu.

³ Amaséika oh Puwang, saba' acappurekka awatangeng, péwatangika saba' posoka.

⁴ Malippu senna'i atikku; gangka kégi Musalaika, oh Puwang?

⁵ Lisuni', Puwang, sibawa paleppe'ka, passalama'ka nasaba pammasé-Mu.

⁶ Saba' ri laleng amaténgngé dé'na nariyéngngerak-Ko; dé' gaga iya pojiyék-Ko ri linona tau maté.

⁷ Matekkoka nasaba maddaréké; wenni-wenni massolo uwai matakku rica'i onrong atinrokku.

⁸ Mawuta matakku nasaba messéi, sibawa massalawu nasaba sining balikku.

⁹ Esu'no, éh sining tau majaé, saba' purani naéngkalinga Puwangnge terikku.

¹⁰ Naéngkalingai Puwangnge paréllaukku sibawa tarimai sempajakku.

¹¹ Tassélengngi matu sininna balikku sibawa masiri nenniya soroi masitta sibawa masiri senna.