MAZMUR 54 - KITTA KAREBA MADECENG

Sempajang méllau allinrungeng

¹ Untu' pamimping kor. Naccowéri kacapi. Elong pappagguruwanna Daud,

² wettunna tau Zifié polé powadangngi Saul, “Massubbui Daud ri idi.”

³ Oh Allataala, passalama'ka nasaba akuwasam-Mu, wérékka adélékeng nasaba awatangem-Mu.

⁴ Engkalingai paréllaukku, oh Allataala, tajampangini ada-adakku.

⁵ Saba' tokkongngi tau laingngé gasaka, macinnai tau matempoé mpunoka, dé' mennang napaduliwi Allataala.

⁶ Iyakiya Allataala iyanaritu pattulukku; Puwangnge iyanaritu pangéwaingekku.

⁷ Nahukkungngi matu balikku sibawa jana muto mennang, sibawa paccappui mennang nasaba Aléna matinului lao ri iyya.

⁸ Nasibawang cenning ati makkasuwiyakka akkarobangeng untu' alé-Mu, sibawa sukkuru lao ri Iko nasaba makessik-Ko, oh Puwang.

⁹ Puraka Mupaleppe polé ri sininna asukkarakengngé, sibawa uwitai ricau balikku.