MAZMUR 4 - KITTA KAREBA MADECENG

Sempajang wenni

¹ Untu' pamimping kor. Nasibawang kacapi. Mazmurna Daud.

² Oh Allataala, Iko ritu pangéwaingekku; balini rékko mangobbika. Wettukku masussa, Mutulukka; makkekkuwangngé amaséika sibawa éngkalingai sempajakku.

³ Eh sining tauwé, siyagapi ittana mupakatunai Allataalaku? Gangka kégi mupojiwi iya siya-siyaé sibawa lellungngi iya dé'é natongeng?

⁴ Issengngi, purani napilé Puwangnge untu' Aléna séddi tau iya Namaséiyé. Naéngkalingai Puwangnge rékko mangobbika lao ri Aléna.

⁵ Ténréni métau sibawa aja' namadosasi. Nennun-nennungngi namumammekkoto, wettu léwumu ri onrong atinrongngé.

⁶ Akkasuwiyangengngi akkarobangeng iya tongengngé sibawa ateppe'no lao ri Puwangnge.

⁷ Maéga tau makkutana, “Niga maélo barakkakiki?” Tennapodo Muwéloriki, oh Puwang.

⁸ Muwébbui atikku lebbi marennu naiya tau iya maonaé éngngalanna.

⁹ Nauléwu nenniya matinro sibawa amang, saba' banna Iko, Puwang, mébbui atuwokku amang!