MAZMUR 3 - KITTA KAREBA MADECENG

Sempajang élé

¹ Mazmurna Daud, wettunna lari polé ri Absalom, ana'na.

² Oh Puwang, temmaka égana balikku, maéga senna gasaka!

³ Engka maéga iya powadaéngngi makkedaé dé' namaélo Allataala tulukka.

⁴ Iyakiya Iko, oh Puwang, iyanaritu kaliyawo iya linrungiyékka. Muwérékka apakalang, sibawa Mupakaloppoi atikku.

⁵ Mangobbika lao ri Puwangnge; polé ri bulu-bulu-Na iya mapaccingngé Nabalika.

⁶ Léwuka nenniya matinro sibawa amang, sibawa moto paimeng, saba' Puwangnge sanréka.

⁷ Dé' umétau lao ri massebbu balié iya keppungngékka polé ri sininna sulapa'é.

⁸ Passalama'ka, oh Puwang Allataalaku, hukkungngi sibawa képoi sininna balikku.

⁹ Polé ri iko ritu apolénna pattulungngé, oh Puwang, memmuwaré barakkakiwi umma'mu.