MAZMUR 23 - KITTA KAREBA MADECENG

Puwangnge pakkampiku

¹ Mazmurna Daud. Padai séddié pakkampi Puwangnge lao ri aléku, dé' uwakurangeng.

² Napaléwuka ri padang wella iya manyilaé. Napimpikka mattuju ri uwai iya tennangngé.

³ Nawérékka awatangeng mabaru, sibawa nadulukka ri laleng iya tongengngé, situru sibawa jancin-Na.

⁴ Namuni uwolai lompo iya mapettangngé, dé' umétau ri bahayaé, saba' Musilaongekka. Mulinrungika pada-pada séddié pakkampi linrungiwi bimbala'na sibawa tekkeng nenniya tarasulu.

⁵ Mupassadiyangekka pésta ri yolona matanna balikku. Muduppaika selaku topolé malebbié. Mupatalangekka énungeng makessing maona.

⁶ Uwisseng makessik-Ko lao ri iyya, sibawa tuli mamaséika. Na weddikka monro ri Bola-Mu, gangka tuwoku.