MAZMUR 149 - KITTA KAREBA MADECENG

Elong pappojiyang

¹ Pojiwi Puwangnge! Puwélongenni élong baru Puwangnge, pojiwi Aléna ri laleng assipulungenna umma'-Na!

² Ariyo-riyono, éh Israélié nasaba Pappancajimmui; arennuno, éh pabbanuwana Sion nasaba Arummui!

³ Pojiwi asen-Na sibawa séré-séré, pojiwi Aléna sibawa kacapi nenniya rebana!

⁴ Naéloriwi Puwangnge umma'-Na; Nawéréngngi apakalang tau iya mariyawa atié.

⁵ Leppessanni umma'na Allataala mariyo-riyo nasaba ataromporen-Na, sibawa makkélong marennu puppu benni.

⁶ Leppessanni mennang pojiwi Allataala sibawa sadda maloppo, nanakkatenning towi peddang pura asaé,

⁷ untu' mpale'i bangsa-bangsaé, sibawa hukkungngi suku-suku bangsaé;

⁸ untu' balenggui arung-ngarungngé, sibawa rantéi sining panguwasana mennang;

⁹ untu' hukkungngi bangsa-bangsaé nasaba paréntana Allataala. Iyanaro apakalanna umma iya Namaséiyé. Pojiwi Puwangnge!