MAZMUR 146 - KITTA KAREBA MADECENG

Pappojiyang untu' Allataala pappassalama'é

¹ Pojiwi Puwangnge! Eh nyawaku, pojiwi Puwangnge!

² Maéloka pojiwi Puwangnge gangka tuwoku sibawa makkélong untu' Allataalaku ri wettu engkaku mupa.

³ Aja' Mumaddennuwang lao ri panguwasaé, lao ri tolinoé iya dé'é naulléi mappassalama.

⁴ Rékko matéi mennang, lisui mennang ri tanaé; iyatoro essoé nalennye maneng rancanana.

⁵ Masennangngi tau iya mattuwangngéngngi Puwang Allataalana, sibawa mappunnaiwi Allataalana Yakub selaku pattulunna.

⁶ Aléna ritu pancajiwi langié sibawa linoé, tasi'é sibawa sininna lise'na; tette'i matinulu mannennungeng.

⁷ Naéwaiwi ha'na sining tau ritenre'é, sibawa nawéréngngi inanré tau malupué. Napaleppe'i Puwangnge sining tahanangngé,

⁸ sibawa naébbui tau butaé naulléi makkita. Napatokkongngi tau mabuwangngé, sibawa mamaséiwi tau iya malempué.

⁹ Nalinrungiwi sining tau laingngé; Natulungngi sining jandaé sibawa ana' béué, iyakiya dé' napajajiwi rancanana tau majaé.

¹⁰ Iyaro Puwangnge Arungngi untu' mannennungeng. Eh Sion, makuwasai Allataalamu lettu mannennungeng. Pojiwi Puwangnge!