MAZMUR 14 - KITTA KAREBA MADECENG

Jana tolinoé

¹ Untu' pamimping kor. Mazmurna Daud. Makkedai tau madonggoé ri laleng ati, “Dé' gaga Allataala.” Pangkaukenna mennang maja sibawa matuna dé' gaga pogau'i makessingngé.

² Polé ri surugaé naitai Puwangnge rupa tauwé untu' sappai tau mapanré iya sompaéngngi Aléna.

³ Iyakiya sininna tauwé lésséni sibawa maja sipa, dé'na gaga muwi séddi tau iya pogau'éngngi makessingngé.

⁴ Adanna Puwangnge, “Dé' namainge'ga sining tau majaéro? Tuwoi mennang sibawa rampasa'i umma'-Ku sibawa dé' naengka nassempajang lao ri Iyya.”

⁵ Métau senna'i matu tau majaé, saba' nalinrungiwi Allataala tau iya matinulué ri Aléna.

⁶ Tau majaé nalawa-lawaiwi tau kasiyasié, iyakiya Puwangnge mancaji pallinruna.

⁷ Tennapodo polé ri Sion poléi asalamakengngé untu' Israélié! Namariyo-riyo matu wija-wijanna Yakub rékko napalisui Puwangnge keadaanna umma'-Na.