MAZMUR 13 - KITTA KAREBA MADECENG

Sempajanna tau iya ritenre'é

¹ Untu' pamimping kor. Mazmurna Daud.

² Gangka kégi Muwallupaika oh Puwang? Gangka kégi mallekke'-Ko polé ri aléku?

³ Gangka kégi harusu'ka tanggungngi asussangngé, sibawa messé ati puppu esso? Gangka kégika rikuwasai ri balié?

⁴ Itaka, oh Puwang Allataalaku, balini sempajakku. Palisuni awatangekku, sibawa aja' taleppessakka maté.

⁵ Aja' taleppessangngi balikku makkeda makkedaé pura nacauka mennang. Aja' taleppessangngi mennang gora-goraika.

⁶ Saba' uwattuwangngi pammasé-Mu, na umariyo-riyo matu nasaba Mupassalama'ka. Maéloka makkélong untu' Puwangnge, saba' purai Napogau' makessingngé lao ri iyya!