MAZMUR 129 - KITTA KAREBA MADECENG

Méllau pakkabale untu' balié

¹ Elong ziyara. Israélié, powadani pékkugiko ricalla ri balié mappammulai wettu malolomu.

² “Nacallaka balié mappammulai wettu maloloku, iyakiya dé' naulléi mennang cauka;

³ mébbui mennang sining lo maliyung ri lekke'ku, pada-pada paddakkalaé mébbu alo-alo malampé ri dare'é.

⁴ Iyakiya Puwang iya adélé'é pura paleppe'ka polé ri angatangengngé.”

⁵ Leppessanni tungke tau iya céccééngngi Sion ricau sibawa ripasoro.

⁶ Leppessanni mennang pada-pada wellaé ri pabbingengngé iya marakkoé ri wettu dé'napa naulléi tuwo;

⁷ dé'gaga sangkiwi, iyaré'ga siyoi ri laleng kalonjéngngé.

⁸ Dé' nakkeda matu sining tau laloé, “Tennapodo ribarakkakiko ri Puwangnge, idi barakkakiko ri laleng asenna Puwangnge.”