MAZMUR 12 - KITTA KAREBA MADECENG

Sempajang méllau pattulung

¹ Untu' pamimping kor. Situru lagu iya maaruwaé. Mazmurna Daud.

² Tulukki, oh Puwang, saba' dé' gagana tau iya makessingngé, tau iya matinulué ri Iko lennye'ni.

³ Sisullé manengngi mennang sibellé, sisulléi sibengnguwang sibawa ada-ada iya macenningngé.

⁴ Pappajani ada-ada iya mappalécéro, Puwang, pammekkoi sining tau iya maloppoé bawana,

⁵ iya makkedaé, “Makuwasaki sibawa lilata! Agi-agi riyulléi powadai, na dé'gaga iya weddingngé lawa-lawaiwi!”

⁶ Adanna Puwangnge, “Ritenre'i tau kasiyasié sibawa tau manrasa-rasaé maddarékéi. Na makkekkuwangngénna Upolé mabbéré atennangeng iya nauddaningiyé mennang.”

⁷ Jancinna Puwangnge masse sibawa wedding riyattuwang, pada-pada péra' tuléng iya riojiyé ri laleng apié.

^8-9 Makkalampareng tau majaé kégi-kégi, ripakalebbii jaé ri tungke tauwé. Iyakiya Mulinrungiki, oh Puwang, jagaiki polé risining tau majaéro.