MAZMUR 1 - KITTA KAREBA MADECENG

KITTA MAMMULANGNGE: MAZMUR 1–41 Asennangeng tongengngé

¹ Masennangngi tau iya dé'é naccowériwi pangajana tau majaé, dé' nacontoi tau madosaé nenniya dé' nasiwollompollong sibawa tau iya pakatunaéngngi Allataala,

² iyakiya napojiwi pogau'i Paréntana Puwangnge sibawa nennun-nennungngi esso wenni.

³ Iyaro tauwé naduppai sininna usahana; pada-padai ajué ri wiring saloé iya mabbuwaé ri wettunna sibawa dé' naengka namakelle daunna.

⁴ Sibalé'na tau majaé: pada-padai awang towa iya napatassiyaé anging.

⁵ Tau majaé rihukkungngi matu ri Allataala, hakinna sibawa ripassarang polé ri umma'-Na.

⁶ Saba' tau mapatoé ripimpingngi sibawa rilinrungiwi ri Puwangnge, iyakiya tau majaé mattujui lao ri abinasangngé.