ABBILANGENG 2 - KITTA KAREBA MADECENG

Onronna tungke' sukué ri laleng akkémangngé

¹ Makkedai Puwangnge lao ri Musa sibawa Harun:

² “Wettunna tau Israélié patettong akkémang, tungke' tau harusu'i makkéma mattulilingiwi bandéra passéddiyanna mennang sibawa lambang appanna muto. Sininna akkémangngéro harusu'i ripatettong mattulilingiwi Kéma-Ku, iyakiya mabéla-béla céddé polé ri aléna.”

^3-9 Ri seddé alauna, tentara iya maccinaungngé ri yawa bandéra passéddiyanna Yéhuda, harusu'i makkéma situru pasukang sibawa pamimpinna tungke'-tungke' ri laleng susunangngéwé: Suku Pamimpinna Jumella taunna Yéhuda Nahason ana' Aminadab 74.600 Isakhar Nétaneel ana' Zuar 54.400 Zébulon Eliab ana' Hélon 57.400 Iya manenna: 186.400 Passéddiyanna Yéhuda harusu joppa kaminang riyolo.

Suku Pamimpinna Jumella taunna

^10-16 Ri seddé yattanna, tentara iya maccinaungngé ri yawa bandéra passéddiyanna Rubén, harusu'i makkéma situru pasukang sibawa pamimpinna tungke'-tungke' ri laleng susunangngéwé: Suku Pamimpinna Jumella taunna Rubén Elizur ana' Syédéur 46.500 Siméon Sélumiél ana' Zurisyadai 59.300 Gad Elyasaf ana' Réhuél 45.650 Iya manenna: 151.450 Passéddiyanna Rubén harusu' joppa selaku maduwaé.

Suku Pamimpinna Jumella taunna

¹⁷ Purairo, ri tengnga-tengngana sininna tentarana Israélié, joppani suku Léwié sibawa mpuléi Kémana Puwangnge. Pada-pada mennang makkéma, makkuwatoro mennang joppa, tungke'-tungke' ri onronna situru sining bandérana mennang.

^18-24 Ri seddé yajang, tentara iya maccinaungngé ri yawa bandéra passéddiyanna Efraim harusu'i makkéma situru pasukang sibawa pamimpinna tungke'-tungke' ri laleng susunangngéwé: Suku Pamimpinna Jumella taunna Efraim Elisama ana' Amihud 40.500 Manasyé Gamaliél ana' Pédasur 32.200 Bényamin Abidan ana' Gidéoni 35.400 Iya manenna: 108.100 Passéddiyanna Efraim harusu'i joppa ri munrinna suku Léwi.

Suku Pamimpinna Jumella taunna

^25-31 Ri seddé manorang, tentara iya maccinaungngé ri yawa bandéra passéddiyanna Dan harusu'i makkéma situru pasukanna sibawa pamimpinna tungke'-tungke' ri laleng susunangngéwé: Suku Pamimpinna Jumella taunna Dan Ahiézer ana' Amisyadai 62.700 Asyer Pagiél ana' Okhram 41.500 Naftali Ahira ana' Enan 53.400 Iya manenna: 157.600 Passéddiyanna Dan joppai selaku paccappureng.

Suku Pamimpinna Jumella taunna

³² Jumellana tau Israél iya naokié ri laleng passéddiyanna situru pasukanna tungke'-tungke', iyanaritu 603.550 tau.

³³ Pada-pada napparéntangngé Puwangnge lao ri Musa, tau Léwié dé' naridaftar silaong sining tau Israél iya laingngé.

³⁴ Napogau'ni tau Israélié sininna iya napparéntangngé Puwangnge lao ri Musa. Tungke'-tungke' makkéma mattulilingiwi bandérana muto, sibawa joppa situru appanna enrengngé kaluwargana.