ABBILANGENG 1 - KITTA KAREBA MADECENG

Pakangkana tau Israélié abbilangeng iya mammulangngé

¹ Ri tanggala séddinna uleng duwa ri laleng taung maduwaé nasalainna bangsa Israélié Maséré, mabbicarani Puwangnge lao ri Musa ri laleng Kémana Puwangnge ri padang kessi Sinai. Adan-Na,

² “Iko sibawa Harun harusu pakangka abbilangeng risininna umma Israélié, situru appang sibawa kaluwargana tungke'-tungke'. Ebbuni daftar asenna sininna tau worowané,

³ iya makkéumuru duwappuloé taung liyasé iya weddingngé mancaji tentara. Harusu'i mennang ridaftar situru pasukanna tungke'-tungke'.

⁴ Polé ri tungke' suku, éllauno séddi pamimping appang untu' duwakko.”

^5-16 Iyanaé asenna sining tau iya napilé polé ri umma'é untu' duwangngi Musa sibawa Harun nenniya iya mancaji pamimpingngé tungke'-tungke' suku, iyanaritu: Suku Pamimpinna Rubén Elizur ana' Syédéur Siméon Sélumiél ana' Zurisyadai Yéhuda Nahason ana' Aminadab Isakhar Nétaneel ana' Zuar Zébulon Eliab ana' Hélon Efraim Elisama ana' Amihud Manasyé Gamaliél ana' Pédazur Bényamin Abidan ana' Gidéoni Dan Ahiézer ana' Amisyadai Asyer Pagiél ana' Okhran Gad Elyasaf ana' Réhuél Naftali Ahira ana' Enan

Suku Pamimpinna

¹⁷ Nasibawang bantuwanna iya seppulo duwa tauwéro, Musa sibawa Harun

¹⁸ suroi sininna umma'é maddeppungeng ri tanggala séddinna uleng duwa, nainappa risusung assossorenna mennang situru sining appanna iya engkaé ri laleng tungke' sukunna mennang. Asenna sining tau worowané iya makkéumuru'é duwappulo taung liyasé ricata'i sibawa ribilangngi,

¹⁹ pada-pada iya napparéntangngé Puwangnge. Iya manennaro napogau'i Musa ri padang kessi Sinai.

^20-46 Sining tau worowané iya makkéumuru'é duwappulo taung liyasé iya weddingngé mancaji tentara, riyokii asenna situru appang sibawa kaluwargana, mappammulai ri Rubén, ana' macowana Yakub lettu ri Naftali. Jumellana mennang iyanaritu: Suku Jumella taunna Rubén 46.500 Siméon 59.300 Gad 45.650 Yéhuda 74.600 Isakhar 54.400 Zébulon 57.400 Efraim 40.500 Manasyé 32.200 Bényamin 35.400 Dan 62.700 Asyer 41.500 Naftali 53.400 Iya manenna: 603.550

Suku Jumella taunna

⁴⁷ Sining tau Léwié dé' nariyoki silaong suku-suku laingngé,

⁴⁸ nasaba purai makkeda Puwangnge lao ri Musa,

⁴⁹ “Wettummu mokii asenna sining tau iya weddingngé mancaji tentara, aja'na muwokii suku Léwié.

⁵⁰ Suroi mennang murusu'i Kéma-Ku sibawa sininna paréwanna. Jamanna mennang iyanaritu méssangngi Kéma-Ku sibawa paréwanna enrengngé murusu'i. Harusu'i mennang makkéma mattulilingiwi.

⁵¹ Rékko létté'ko, iyaro sining tau Léwié harusu'i nabongkara Kéma-Ku, nainappa napasang paimeng ri tungke' onrong akkémang iya barué. Ri lainnaé mennang, nigi-nigi maddeppériwi iyaro Kémaé harusu'i rihukkung maté.

⁵² Sining tau Israél laingngé harusu'i patettongngi kémana mennang makkonro-konrong, tungke' tau ri laleng konronna tungke'-tungke' mattulilingiwi bandérana mattungke'-tungke'.

⁵³ Iyakiya sining tau Léwié harusu'i makkéma mattulilingiwi Kéma-Ku. Harusu'i mennang jagaiwi kuwammengngi nadé' tau maddeppériwi, angkanna nassabari-Ka macai sibawa hukkungngi umma Israélié.”

⁵⁴ Nanapogau'ni tau Israélié sininna iya napparéntangngé Puwangnge lao ri Musa.