1 TAWARIKH 7 - KITTA KAREBA MADECENG

Wija-wijanna Isakhar

¹ Isakhar mappunnai 4 ana' worowané: Tola, Pua, Yasub sibawa Simron.

² Tola mappunnai 6 ana' worowané: Uzi, Réfaya, Yériél, Yahmai, Yibsam sibawa Samuél. Mennang iyanaritu kapala kaluwarga ri laleng appanna Tola sibawa tarompoi selaku prajuri-prajuri poré. Wettunna Arung Daud, wija-wijanna mennang jumellana 22.600 tau.

³ Uzi mappunnai séddi ana' worowané riyaseng Yizrahya. Yizrahya sibawa iya eppa ana'na iya worowané, iyanaritu Mikhaél, Obaja, Yoél sibawa Yisia iyanaritu kapala appang.

⁴ Sining bainéna sibawa ana'-ana'na makkuwamani égana angkanna wija-wijanna naulléi passadiya 36.000 tau worowané untu' mancaji tentara.

⁵ Manuru' daftar résmié, polé risininna kaluwargaé ri laleng suku Isakhar engka 87.000 tau worowané iya pennoiyéngngi sara'-sara'é untu' mancaji tentara.

Wija-wijanna Bényamin sibawa wija-wijanna Dan

⁶ Bényamin mappunnai tellu ana' worowané: Béla, Békher sibawa Yédiaél.

⁷ Béla mappunnai lima ana' worowané: Ezbon, Uzi, Uziél, Yérimot sibawa Iri. Mennang iyanaritu kapala kaluwarga ri laleng appanna sibawa tassebbo'i selaku prajuri-prajuri poré. Ri laleng daftar wija-wijanna mennang tarokii 22.034 tau worowané iya pennoiyéngngi sara'-sara'é untu' mancaji tentara.

⁸ Békher mappunnai 9 ana' worowané: Zemira, Yoas, Eliézer, Elyoénai, Omri, Yérémot, Abia, Anatot sibawa Alémét.

⁹ Mennang iyanaritu kapala kaluwarga ri laleng appanna. Manuru daftar résmié, polé ri sininna kaluwargaé ri laleng wija-wijanna mennang engka 20.200 tau worowané iya pennoiyéngngi sara'-sara'é untu' mancaji tentara.

¹⁰ Yédiaél mappunnai séddi ana' worowané riyaseng Bilhan. Bilhan mappunnai 7 ana' worowané: Yéus, Bényamin, Ehud, Kénaana, Zétan, Tarsis sibawa Ahisahar.

¹¹ Mennang iyanaritu kapala kaluwarga ri laleng appanna sibawa tarompoi selaku prajuri-prajuri baranié. Ri laleng daftar wija-wijanna mennang tarokii 17.200 tau worowané iya pennoiyéngngi sara'-sara'é untu' mancaji tentara.

¹² Supim sibawa Hupim iyanaritu wija-wijanna Ir. Husim iyanaritu ana'na Dan.

Wija-wijanna Naftali

¹³ Naftali mappunnai 4 ana' worowané: Yahziél, Guni, Yézer sibawa Salum. Mennang iyanaritu eppona Bilha.

Wija-wijanna Manasyé

¹⁴ Manasyé silaong gundi'na, séddiwi makkunrai Aram, mappunnai duwa ana' worowané: Asriél sibawa Makhir. Ana'na Makhir iyanaritu Giléad.

¹⁵ Makhir sapparengngi bainé Hupim sibawa Supim. Asenna bainéna Makhir iyanaritu Maakha. Ana'na Makhir iya maduwaé iyanaritu Zélaféad. Zélaféad dé' nappunnai ana' worowané, banna ana' makkunrai.

¹⁶ Maakha bainéna Makhir jajiyangngi duwa ana' worowané iya riyasengngé Pérés sibawa Sérés; Pérés mappunnai duwa ana' worowané riyaseng Ulam sibawa Rékem.

¹⁷ Ulam mappunnai séddi ana' worowané riyaseng Bédan. Iyanaro wija-wijanna Giléad ana' Makhir, eppona Manasyé.

¹⁸ Ana'daranna Giléad iya riyasengngé Molékhét mappunnai tellu ana' worowané: Isyhod, Abiézer sibawa Mahla.

¹⁹ Sémida mappunnai 4 ana' worowané: Ahyan, Sékhem, Likhi sibawa Aniam.

Wija-wijanna Efraim

^20-21 Efraim mappunnai tellu ana': Sutélah, Ezer sibawa Elad. Jori wija-wijanna Efraim naolai Sutélah iyanaritu Béréd, Tahat, Elada, Tahat, Zabad, Sutélah. Ezer sibawa Elad riyunoi wettunna maélo ménnauwi olokolo'na pabbanuwa tulénna wanuwa Gad.

²² Mabbaratai ambo'na siyagangngaré esso itana angkanna poléi silessu-silessurenna untu' saléworiwi.

²³ Nainappa siatinrossi Efraim sibawa bainéna, namattampu'na iyaro makkunraié sibawa jajiyang séddi ana' worowané. Nasenni Efraim ana'naro Béria, nasaba abala iya puraé napéneddingiro mennang.

²⁴ Efraim mappunnai ana' makkunrai iya riyasengngé Seera. Aléna ritu patettongngi kota-kota Bét-Horon Toddang sibawa Bét-Horon Yasé', enrengngé kota Uza sibawa Seera.

²⁵ Engkatopa séddi ana' worowanéna Efraim, asenna Réfah. Iyanaé jori wija-wijanna Réfah: Réséf, Télah, Tahan,

²⁶ Ladan, Amihud, Elisama,

²⁷ Nun sibawa Yosua.

²⁸ Daéra iya riyabbéréyangngé untu' mancaji onrong naonroiyé mennang iyanaritu polé ri Bétel lettu sibbéla Naaran ri seddé alau, sibawa Gézer ri seddé yajang enrengngé désa-désaé ri seddéna kota-kotaéro. Ri laleng daéraéro muttama toni kota Sikhem sibawa Aya, enrengngé désa-désaé ri mattulilinna.

²⁹ Wija-wijanna Manasyé makuwasaiwi kota Bét-Séan, Taanakh, Megido, Dor sibawa désa-désaé ri mattulilinna. Iyanaro sininna daéra onrong naonroiyé wija-wijanna Yusuf ana' Yakub.

Wija-wijanna Asyer

³⁰ Mangoloéwé iyanaritu wija-wijanna Asyer. Mappunnai 4 ana' worowané: Yimna, Yiswa, Yiswi, Béria sibawa séddi ana' makkunrai, riyaseng Sérah.

³¹ Béria mappunnai duwa ana' worowané, iyanaritu Héber sibawa Malkiél pappatettonna kota Birzait.

³² Héber mappunnai tellu ana' worowané: Yaflét, Somer, Hotam sibawa séddi ana' makkunrai, riyaseng Sua.

³³ Yaflét mappunnai towi tellu ana' worowané: Pasakh, Bimhab sibawa Asywat.

³⁴ Somer silessurenna Yaflét mappunnai eppa ana' worowané: Ahi, Rohga, Yéhuba sibawa Aram.

³⁵ Hotam, silessurenna Yaflét iya séddiéssi, mappunnai 4 ana' worowané: Zofah, Yimna, Séles sibawa Amal.

³⁶ Wija-wijanna Sofah iyanaritu Suah, Harnéfer, Syual, Béri, Yimra,

³⁷ Bézer, Hod, Sama, Silsa, Yitran sibawa Beera.

³⁸ Wija-wijanna Yéter iyanaritu Yéfune, Pispa sibawa Ara.

³⁹ Wija-wijanna Ula iyanaritu Arah, Haniél sibawa Rizya.

⁴⁰ Iyanaro wija-wijanna Asyer. Kapala kaluwarga maneng mennang sibawa tarompo selaku pahlawang-pahlawang iya poré sibawa pamimping-pamimping iya battowaé. Ri laleng daftar wija-wijanna Asyer tarokii 26.000 tau worowané iya pennoiyéngngi sara'-sara'é untu' mancaji tentara.