1 TAWARIKH 4 - KITTA KAREBA MADECENG

Wija-wijanna Yéhuda

¹ Mangoloéwé iyanaritu sibagiyang wija-wijanna Yéhuda: Pérés, Hézron, Karmi, Hur sibawa Syobal.

² Syobal iyanaritu ambo'na Réaya, Réaya ambo'na Yahat. Yahat mappunnai duwa ana' worowané: Ahumai sibawa Lahad. Mennang ritu toriyolona pabbanuwana kota Zora.

^3-4 Ana' worowané macowana polé ri Kaléb sibawa bainéna iya riyasengngé Efrat iyanaritu Hur. Wija-wijanna Hur iyanaritu pappatettonna kota Bétléhém. Etam, Pnuél sibawa Ezer iyanaritu ana'-ana'na Hur. Etam mappunnai tellu ana' worowané riyaseng Yizreel, Isma sibawa Idbas, sibawa séddi ana' makkunrainna riyaseng Hazélélponi. Pnuél patettongngi kota Gedor sibawa Ezer patettongngi kota Husa.

⁵ Asyhur pappatettonna kota Tékoa mappunnai duwa bainé, iyanaritu Héla sibawa Naara.

⁶ Nasibawang Naara lolongengngi eppa ana' worowané: Ahuzam, Héfer, Teméni sibawa Ahastari.

⁷ Nasibawang Héla, lolongengngi Asyhur tellu ana' worowané, iyanaritu, Zérét, Yézohar sibawa Etnan.

⁸ Anub sibawa Hazobéba iyanaritu ana'-ana' worowanéna Kos toriyolona appang wija-wijanna Aharhél ana' Harum.

⁹ Engka séddi worowané riyaseng Yabés lebbi ripakalebbii naiya silessu-silessurenna. Riwéréngngi aseng Yabés ri indo'na, nasaba manrasa-rasa senna'i indo'na wettunna najajiyang.

¹⁰ Iyakiya massempajangngi Yabés lao ri Allataala iya nasompaé tau Israélié, adanna, “Oh Allataala, barakkakika, sibawa tennapodo lowangiwi daéraku. Linrungika sibawa pabélaiwi abalaé kuwammengngi dé' umanrasa-rasa.” Nanatarimai Allataala paréllaunna.

Daftar asenna kaluwarga-kaluwarga iya laingngé

¹¹ Kelub silessurenna Suha mappunnai ana' worowané riyaseng Méhir. Ana'na Méhir iyanaritu Eston,

¹² na Eston mappunnai tellu ana' worowané, iyanaritu Bét-Rafa, Paséah sibawa Tehina, iya patettongngéngngi kota Nahas. Wija-wijanna iyaro sining tauwé monroi ri kota Réka.

¹³ Kénas mappunnai duwa ana' worowané riyaseng Otniél sibawa Séraya. Otniél mappunnai towi duwa ana' worowané, iyanaritu Hatat sibawa Méonotai.

¹⁴ Ana'na Méonotai iyanaritu Ofra. Ana'na Zéraya iyanaritu Yoab pappatettonna Lompo Pattukangngé. Sininna pabbanuwaé ri lompo'éro iyanaritu maccai mébbu ébbu-ébbu lima.

¹⁵ Kaléb ana' Yéfune mappunnai tellu ana' worowané: Iru, Ela sibawa Naam. Ana' Ela iyanaritu Kénas.

¹⁶ Yéhaléleel mappunnai eppa ana' worowané: Zif, Zifa, Tiréya sibawa Asareel.

^17-18 Ana' worowanéna Ezra engka eppa tau: Yéter, Méréd, Efer sibawa Yalon. Méréd kawingngi sibawa Bica ana' makkunrainna arung Maséré. Lolongengngi mennang séddi ana' makkunrai riyaseng Miryam, sibawa duwa ana' worowané riyaseng Samai sibawa Yisba. Yisba iyanaritu pappatettonna kota Estemoa. Méréd kawing towi sibawa séddi makkunrai polé ri suku Yéhuda; ana'na mennang iya worowané engka tellu tau: Yéréd pappatettonna kota Gedor, Héber pappatettonna kota Sokho, sibawa Yékutiél pappatettonna kota Zanoah.

¹⁹ Hodia kawingngi sibawa ana'daranna Naham. Wija-wijanna mennang iyanaritu toriyolona appang Garmi sibawa appang Maakha. Appang Garmi monroi ri kota Kéhila, na appang Maakha monroi ri kota Estemoa.

²⁰ Simon mappunnai eppa ana' worowané: Amnon, Rina, Bénhanan sibawa Tilon. Yiséi mappunnai duwa ana' worowané: Zohét sibawa Bén-Zohét.

Wija-wijanna Séla

^21-22 Sala séddinna ana'na Yéhuda riyaseng Séla. Wija-wijanna iyanaritu: Er pappatettonna kota Lékha Lada pappatettonna kota Marésa Appang pattennung kaing lénangngé ri kota Bét-Asybéa Yokim Pabbanuwana kota Kozéba Yoas Saraf kawingngi sining makkunrai Moab-é nainappa lisu ri Bétléhém. Iyaro daftar-é riyalai polé ri catatang riyoloé.

²³ Iya manenna mennang pakkébbu kendi sibawa bémpa untu' arungngé enrengngé monroi ri kota Nétaim sibawa Gedéra.

Wija-wijanna Siméon

²⁴ Siméon mappunnai lima ana' worowané: Némuél, Yamin, Yarib, Zérah sibawa Saul.

^25-26 Wija-wijanna Saul iyanaritu mangoloéwé: Salum Mibsam Misma Hamuél Zakur Siméi.

²⁷ Siméi mappunnai 22 ana': 16 worowané sibawa 6 makkunrai. Iyakiya sumpulolona Siméi céddé bawang ana'na. Wija-wijanna Siméon dé' nasingngéga wija-wijanna Yéhuda.

²⁸ Lettu ri wettunna Arung Daud, wija-wijanna Siméon monroi ri kota-kota mangoloéwé: Bérsyéba, Molada, Hazar-Sual,

²⁹ Bilha, Ezem, Tolad,

³⁰ Bétuél, Horma, Ziklag,

³¹ Bét-Markabot, Hazar-Susim, Bét-Biri sibawa Saaraim.

³² Monro towi mennang ri lima onrong iya laingngé, iyanaritu Etam, Ain, Rimon, Tokhen, Asan,

³³ sibawa ri kampong-kampong seddéna onrong-ngonrongngéro lettu sibbéla kota Baal ri bagiyang yajangmanorang. Makkuwaniro catatang iya engkaé ri wija-wijanna Siméon passalenna Assossorenna sibawa onrong-ngonrong naonroiyé mennang.

^34-38 Mangoloéwé iyanaritu aseng-ngasenna kapala appangngé ri laleng suku Siméon: Mésobab Yamlékh Yosa ana' Amazia Yoél Yéhu ana' Yosibya (Yosibya iyanaritu ana' Séraya, eppona Asiél), Elyoénai Yaakoba Yésohaya Asaya Adiél Yésimiél Bénaya Ziza ana' Siféi (jori assossorenna polé ri Siféi liyasé iyanaritu: Alon, Yédaya, Simri, Sémaya). Nasaba kaluwarga-kaluwargana mennang matterui tattamba,

^39-40 nallebba'na mennang liyajang lettu ri seddéna kota Gedor iya monroé ri seddéna lompo'é. Ri seddé alauna lompo'éro runtu'ni mennang padang iya macommo'é namalowang enrengngé tennang untu' olokolo'na mennang. Riyolo iyaro daéraé naonroiwi sining tau Ham iya tuwoé sibawa damé.

⁴¹ Wettunna Hizkia arung Yéhuda wijanna Siméonro nagasai Gedor. Naancuru'i mennang kéma-kémana pabbanuwana kotaéro sibawa tau Méuningngé, nainappa narukka pabbanuwana. Nainappa mennang mattette kuwaro nasaba maéga padanna untu' olokolo'na.

⁴² Ri yawa pappimpinna ana'-ana' Yiséi, iyanaritu Pélaca, Néarya, Réfaya sibawa Uziél, 500 anggota iya laingngé polé ri suku Siméon létté ri Edom ri alau.

⁴³ Naunoi mennang sésa-sésana tau Amalé'é, nainappa mattette kuwaro mappammulai wettuéro.