1 TAWARIKH 3 - KITTA KAREBA MADECENG

Ana'-ana' worowanéna Arung Daud

^1-3 Ana'-ana' worowanéna Daud iya jajiyé ri Hébron, situru atturu-turuseng umuru'na iyanaritu: Amnon – indo'na riyasengngi Ahinoam tau Yizreel Daniél – indo'na riyasengngi Abigail tau Karmél Absalom – indo'na riyasengngi Maakha ana' makkunrainna Talmai arung Gésur Adonia – indo'na riyasengngi Hagit Séfaca – indo'na riyasengngi Abital Yitréam – indo'na riyasengngi Egla

⁴ Iya enneng ana' worowanéna Daudro jajiwi ri Hébron onronna Daud mapparénta pituttaung sitengnga ittana. Ri Yérusalém, mapparéntai Daud 33 taung ittana,

⁵ na maéga ana' worowanéna jaji kuwaro. Nasibawang bainéna iya riyasengngé Batsyéba ana' Amiél, lolongengngi Daud eppa ana' worowané iya jajiyé ri Yérusalém: Siméa, Sobab, Natan sibawa Salomo.

⁶ Engkato aséra ana' worowanéna iya laingngé: Yibhar, Elisua, Elifélét,

⁷ Nogah, Néfég, Yafia,

⁸ Elisama, Elyada sibawa Elifélét.

⁹ Ri lainnaé mennanro engka mupa ana'-ana' worowanéna Daud polé ri gundi-gundi'na. Mappunnai towi séddi ana' makkunrai iya riyasengngé Tamar.

Wija-wijanna Arung Salomo

^10-14 Assossorenna arung-ngarung Israélié polé ri Arung Salomo lettu ri Yosia iyanaritu: Salomo, Réhabéam, Abiam, Asa, Yosafat, Yéhoram, Ahazia, Yoas, Amazia, Uzia, Yotam, Ahas, Hizkia, Manasyé, Amon sibawa Yosia.

¹⁵ Yosia mappunnai eppa ana' worowané: Yohanan, Yoyakim, Zédékia sibawa Yoahas.

¹⁶ Yoyakim mappunnai duwa ana' worowané iya riyasengngé Yoyakhin sibawa Zédékia.

Wija-wijanna Arung Yoyakhin

¹⁷ Iyanaé wija-wijanna Yoyakhin, arung iya natawangngé tau Babél-é. Ana' worowanéna engka 7 tau: Séaltiél,

¹⁸ Malkhiram, Pédaya, Syénazar, Yékamya, Hosama sibawa Nédabya.

¹⁹ Pédaya mappunnai duwa ana' worowané: Zérubabél sibawa Siméi. Zérubabél mappunnai duwa ana' worowané riyaseng Mésulam sibawa Hananya, sibawa séddi ana' makkunrai riyaseng Sélomit.

²⁰ Engka topa lima ana' worowanéna, iyanaritu Hasuba, Ohél, Bérékhya, Hasaja sibawa Yusab-Héséd.

²¹ Hananya mappunnai duwa ana' worowané: Pélaca sibawa Yésaya. Yésaya iyanaritu ambo'na Réfaya, Réfaya ambo'na Arnan, Arnan ambo'na Obaja, na Obaja ambo'na Sékanya.

²² Sékanya mappunnai séddi ana' worowané riyaseng Sémaya, na Sémaya mappunnai lima ana' worowané riyaseng Hatus, Yigal, Bariah, Néarya sibawa Safat.

²³ Ana' worowanéna Néarya engka tellu tau: Elyoénai, Hizkia sibawa Azrikam.

²⁴ Elyoénai mappunnai pitu ana' worowané: Hodawya, Elyasib, Pélaya, Akub, Yohanan, Délaya sibawa Anani.