1 TAWARIKH 25 - KITTA KAREBA MADECENG

Pacculé musi'é ri Bolana Puwangnge

¹ Untu' pimpingngi upacara-upacara assompangngé, Arung Daud sibawa sining pamimpinna tau Léwié napiléi appang-ngappang Léwi iya mangoloéwé: Asaf, Héman sibawa Yédutun. Risuroi mennang untu' palettu'i paseng polé ri Allataala nasibawang kacapi, gambusu sibawa simbal. Untu' pimpingngi assompangngé sibawa upacarana tungke'-tungke', ripiléi regu-regu mangoloéwé:

² Iya eppa ana' worowanéna Asaf: Zakur, Yusuf, Nétanya sibawa Asaréla. Pamimpinna mennang iyanaritu Asaf, iya palettu'éngngi paseng polé ri Allataala, réko risuroi ri arungngé.

³ Iya enneng ana' worowanéna Yédutun: Gedalya, Zéri, Yésaya, Siméi, Hasabya sibawa Matica. Ri yawa pappimpinna ambo'na, napalettu'i mennang paseng polé ri Allataala naccowéri kacapi, sibawa makkélongngi mennang élong pappojiyang enrengngé sukkuru lao ri Puwangnge.

⁴ Iya seppulo eppa ana' worowanéna Héman: Bukia, Matanya, Uziél, Sébuél, Yérimot, Hananya, Hanani, Eliata, Gidalti, Romamti-Ezer, Yosbékasa, Maloti, Hotir sibawa Mahaziot.

⁵ Héman iyanaritu nabi paribadinna arungngé. Puwangnge mpéréngngi iya seppulo eppa ana' worowanéro enrengngé tellu ana' makkunrai lao ri Héman nasaba Puwangnge pura majjanci untu' mpéréngngi tudangeng malebbi ri aléna.

⁶ Iya manenna ana'na Hémanro macculéyang musi' simbal, kacapi sibawa gambusu ri yawa pappimpinna ambo'na untu' maccowériwi upacara assompangngé ri Bolana Puwangnge. Asaf, Yédutun sibawa Héman lolongeng jamang situru panunju polé ri arungngé.

⁷ Iya duwappulo eppa ana' worowanéna mennanro sibawa sumpulolona iyanaritu ahli-ahli musi'i iya tallatié. Iya manenna engka 288 tau.

⁸ Untu' pattentui léléng jamanna, getteng manengngi loteréi – muwi iya maloloé iyaré'ga iya macowaé, muwi iya mappangalamangngé iyaré'ga iya nappa mammulaé magguru.

^9-31 Iya 288 tauwéro ribagéi ri laleng 24 kalompo situru kaluwargana tungke'-tungke'. Tungke' kalompo 12 tau ri yawa pappimpinna séddi tau. Iyanaé atturu-turuseng asenna mennang situru loteréinna: 1. Yusuf polé ri kaluwarga Asaf 13. Subaél 2. Gedalya 14. Matica 3. Zakur 15. Yérémot 4. Yizri 16. Hananya 5. Nétanya 17. Yosbékasa 6. Bukia 18. Hanani 7. Yésaréla 19. Maloti 8. Yésaya 20. Eliata 9. Matanya 21. Hotir 10. Siméi 22. Gidalti 11. Azareel 23. Mahaziot 12. Hasabya 24. Romamti-Ezer