1 TAWARIKH 2 - KITTA KAREBA MADECENG

Wija-wijanna Yéhuda, ana' Yakub

¹ Ana' worowanéna Yakub engka seppulo duwa tau: Rubén, Siméon, Léwi, Yéhuda, Isakhar, Zébulon,

² Dan, Yusuf, Bényamin, Naftali, Gad, Asyer.

^3-4 Ana' worowanéna Yéhuda engka lima tau. Polé ri bainéna iya riyasengngé Batsyua, makkunrai Kanaangngé, jajiwi Er, Onan sibawa Séla; polé ri bainéna iya riyasengngé Tamar, iyanaritu ménéttunna muto, jajiwi Pérés sibawa Zérah. Iyaro Er ana' macowana Yéhuda maja senna, angkanna riyuno ri Puwangnge.

⁵ Pérés mappunnai duwa ana' worowané, iyanaritu Hézron sibawa Hamul.

⁶ Zérah mappunnai lima ana' worowané: Zimri, Etan, Héman, Kalkol sibawa Dara.

⁷ Akhan ana' Karmi wija-wijanna Zérah, papoléi abala ri umma Israélié nasaba malai barang rappa ammusureng iya ripallaingngé untu' Allataala.

⁸ Ana' worowanéna Etan iyanaritu Azarya.

Assossorenna Isai, ambo'na Arung Daud

⁹ Hézron mappunnai tellu ana' worowané: Yérahmeel, Ram sibawa Kaléb.

¹⁰ Jori assossorenna polé ri Ram lettu ri Isai iyanaritu makkuwaiyé: Ram Aminadab Nahason (séddiwi tau ponggawana suku Yéhuda)

¹¹ Salmon Boas

¹² Obéd Isai.

¹³ Ana' worowanéna Isai engka pitu. Iyanaé aseng-ngasenna mennang situru rappi umuru'na: Eliab, Abinadab, Siméa,

¹⁴ Nétaneel, Radai,

¹⁵ Ozem, Daud.

¹⁶ Mappunnai towi Isai duwa ana' makkunrai: Zéruya sibawa Abigail. Zéruya mappunnai tellu tau ana': Abisai, Yoab sibawa Asaél.

¹⁷ Abigail kawingngi sibawa Yéter wijanna Ismaél. Mappunnai mennang séddi ana' worowané riyaseng Amasa.

Wija-wijanna Hézron

¹⁸ Kaléb ana' Hézron kawingngi sibawa Azuba nanalolongeng séddi ana' makkunrai riyaseng Yériot. Iyaé Yériot mappunnaiwi tellu ana' worowané: Yézer, Sobab, sibawa Ardon.

¹⁹ Maténana Azuba, kawingngi Kaléb sibawa Efrat nanalolongeng séddi ana' worowané riyaseng Hur.

²⁰ Ana' worowanéna Hur riysengngi Uri sibawa eppona riyasengngi Bézaleel.

²¹ Wettunna Hézron makkéumuru 60 taung kawingngi sibawa ana'daranna Giléad, ana' Makhir. Lolongengngi mennang séddi ana' worowané riyaseng Ségub,

²² na Ségub lolongengngi séddi ana' worowané riyaseng Yair, iya mappunnaiyé 23 désa ri daérana Giléad.

²³ Iyakiya akkarungeng Gésur sibawa Aram caui 60 désa ri daéraéro muttama'ni désa-désana tau Yair-é, désa Kénat, enrengngé désa-désa baiccu'é ri seddéna. Sininna tau iya monroé kuwaro iyanaritu wija-wijanna Makhir ambo'na Giléad.

²⁴ Maténana Hézron, Kaléb ana'na kawingngi sibawa Efrat jandana ambo'na. Ana'na mennang iya worowané riyasengngi Asyur; aléna ritu patettongngi kota Tékoa.

Wija-wijanna Yérahmeel

²⁵ Yérahmeel ana' macowana Hézron mappunnai lima ana' worowané: Ram iya macowaé, nainappa Buna, Oren, Ozem sibawa Ahia.

^26-27 Ram mappunnai tellu ana' worowané: Maas, Yamin sibawa Eker. Yérahmeel mappunnaiwi bainé laingngé riyaseng Atara; nanalolongengngi mennang ana' worowané riyaseng Onam.

²⁸ Ana' worowanéna Onam engka duwa tau: Samai sibawa Yada. Samai mappunnai towi duwa ana' worowané, iyanaritu Nadab sibawa Abisur.

²⁹ Abisur kawingngi sibawa Abihail nalolongeng mennang duwa ana' worowané: Ahban sibawa Molid.

³⁰ Nadab kakana Abisur mappunnai towi duwa ana' worowané iya riyasengngé Séléd sibawa Apaim, iyakiya matéi Séléd temmappunnai ana' worowané.

³¹ Apaim iyanaritu ambo'na Yiséi, Yiséi ambo'na Sésan, na Sésan ambo'na Ahlai.

³² Yada padaorowanéna Samai mappunnai duwa ana' worowané riyaseng Yéter sibawa Yonatan. Iyakiya Yéter matéi temmappunnai ana' worowané.

³³ Yonatan mappunnai duwa ana' worowané, iyanaritu Pélét sibawa Zaza. Iya maneng mennang iyanaritu wijanna Yérahmeel.

³⁴ Sésan dé' nappunnai ana' worowané, banna ana' makkunrai. Atanna, séddiwi tau Maséré riyaseng Yarha,

³⁵ napasiyalai sibawa sala séddinna ana'na. Lolongengngi mennang ana' worowané iya riyasengngé Atai.

^36-41 Jori wija-wijanna polé ri Atai lettu ri Elisama matturu-turuseng iyanaritu mangoloéwé: Atai Natan Zabad Eflal Obéd Yéhu Azarya Hélés Elasa Sismai Salum Yékamya Elisama

Wija-wijanna Kaléb

⁴² Kaléb padaorowanéna Yérahmeel mappunnai séddi ana' worowané riyaseng Mésa. Ana' macowai. Mésa iyanaritu ambo'na Zif, Zif ambo'na Marésa. Marésa ambo'na Hébron.

⁴³ Hébron mappunnai eppa ana' worowané: Korah, Tapuah, Rékém sibawa Séma.

⁴⁴ Séma iyanaritu ambo'na Raham. Eppona Séma riyasengngi Yorkéam. Rékém kakana Séma iyanaritu ambo'na Samai;

⁴⁵ Samai ambo'na Maon, na Maon ambo'na Bét-Zur.

⁴⁶ Kaléb mappunnaiwi gundi riyaseng Efa. Lolongengngi mennang tellu ana' worowané riyaseng Haran, Moza aibawa Gazes. Mappunnai towi Haran ana' iya riyasengngé Gazes. (

⁴⁷ Séddi tau riyaseng Yohdai iya mappunnaiyé enneng ana' worowané: Régém, Yotam, Gésan, Pélét, Efa sibawa Saaf.)

⁴⁸ Kaléb mappunnai gundi laing riyaseng Maakha. Nasibawang aléna lolongengngi Kaléb duwa ana' worowané riyaseng: Séber sibawa Tirhana;

⁴⁹ nainappa lolongeng mennang duwa ana' worowanési riyaseng: Saaf sibawa Séwa. Saaf iyanaritu patettongngi kota Madmana, sibawa Séwa patettongngi kota Makhbéna sibawa Gibéa. Mappunnai towi Kaléb séddi ana' makkunrai riyaseng Akhsa.

⁵⁰ Iyaé mangoloé iyanaritu wijannato Kaléb: Hur iyanaritu ana' macowana polé ri Kaléb sibawa bainéna iya riyasengngé Efrat. Syobal ana' Hur iyanaritu patettongngi kota Kiryat-Yéarim.

⁵¹ Salma ana'na iya maduwaé iyanaritu patettongngi kota Bétléhém; sibawa Haréf ana'na iya matellué patettongngi kota Bét-Gader.

⁵² Syobal patettongngi kota Kiryat-Yéarim iyanaritu toriyolona tau Haroé, toriyolona sitengnga pabbanuwana Ménuhot,

⁵³ sibawa toriyolona appang-ngappang iya monroé ri Kiryat-Yéarim, iyanaritu appang Yétri, Puti, Sumati sibawa Misrai. (Pabbanuwana kota Zora sibawa Esytaol iyanaritu sining tau iya assalennaé polé ri appang-ngappangngéro.)

⁵⁴ Salma pappatettonna kota Bétléhém iyanaritu toriyolona tau Nétofaé, tau Atarot-Bét-Yoab-é, sibawa tau Zorié, iyanaritu sala séddinna polé ri iya duwa appang iya monroé ri Manahti.

⁵⁵ Polé ri appanna Tirati, Simati sibawa Sukati iya monroé ri kota Yabés engka sining tau iya maccaé ri laleng passaleng marokié sibawa mallémbaé sure'-sure' penting. Mennang iyanaritu tau Kéni iya kawingngé sibawa tau Rékab.