MASMUR 82 - BIBEL JAMITA NA DENGGAN

Debata, Raja Godang

¹ Diuluhon Debata do rapot hadebataon di banua ginjang, lalu dilehen Ia haputusanNia:

² “Sadia lelengnai hamu manguhumi di bagasan hakejamon, jana marpihak hamu tu halak parjahat.

³ Ondihon hamu ma na so marama dohot halak na gale, lehen ma hatigoran tu na pogos dohot na malarat.

⁴ Palua ma halak na gale dohot na so margeldok, palua ma halahi sian tangan ni halak parjahat.

⁵ Nada adong diboto hamu, jana nada diastui hamu, hum hara ni hamu, gabe sego sude aturan ni masarakat.

⁶ Hudok do, anggo hamu debata do jana angka anak ni Na Gumincat do hamu.

⁷ Tapi mate muse do hamu songon jolma manusia, songon halak na godang, hamu pe laing mago do.”

⁸ Ro ma Ho ale Debata, uhumi ma portibi on, angke Ho do nampuna sandok bangso.