MASMUR 70 - BIBEL JAMITA NA DENGGANTangiang mangido pangurupion ( Msm. 40:13-17 ) 1 Palua ma au ale Debata, manigor ma jolo urupi au ale Tuhan! 2 Sugari halak na sai giot mamunu au dipatalu ma nian jana maporus so martontu. Sugari halak na manggorai bagianku, dipaulak ma nian jana di palebak. 3 Sugari halak na martataihon au gabe tarsonggot ma nian jana maila. 4 Sai marmoga-moga jana marjop ni roha ma nian sude halak na sai manjalahi Ho. Sai dohonon ni sandok na marhaluaan hara ni haluaon na nilehenMu ma, “Na godang ma da antong Debata!” 5 Gale do au on jana pogos; ale Debata, ro ma da Ho manigor. Ho do pangurupi dohot sipalua di au, manigor ro ma da Ho, ale Tuhan. |
Indonesian Bible Society
Indonesian Bible Society