MASMUR 53 - BIBEL JAMITA NA DENGGAN

Hasotureon ni jolma

¹ Didok na oto i do di bagasan rohana, “Nada adong Debata.” Jorbut do pangalaho ni halahi jana hagigian, nada adong mambaen na denggan.

² Ditatap Debata do sian banua ginjang jolma manusia, manjalahi halak na marroha marsomba tuSia.

³ Hape madung lilu jana rungkup sude jolma nada adong be mambaen na denggan, umpe sahalak.

⁴ Didok Tuhan, “Na so diboto parjahat i dehe i na mangarampasi bangsongKu halahi jana na so unjung martangiang tu Au?”

⁵ Ligi da, gaor hara ni biar ma angka musu ni bangso ni Debata, nada jungada dope dihilala halahi songon i hagaoran, harana giot sarsarkonon ni Debata ma angka holi-holi ni halahi ditulak Debata do halahi, gabe ditaluhon ma halahi.

⁶ Ale Tuhan, satontang tu Israel hami pangidohon, lehen ma hamonangan sian Dolok Sion. Gabe marjop ni roha ma bangsoMi, muda dung dibaen Ho halahi masonang mangulahi.