MASMUR 43 - BIBEL JAMITA NA DENGGAN

Tangiang di tano habuangan (udut ni Msm. 42)

¹ Ale Debata, ondihon ma au di parkarongku maradopkon angka halak na durako. Patorang ma na so marsala au, palua ma au sian parjahat dohot pangicu.

² Ho do Debata, pangondianku; biasi he tadingkononMu au? Biasi angkon laing torus au manaon hara ni panyosak ni angka musungku?

³ Patangkas ma hadengganan ni rohaMu anso disondangi au jana togu ma au, mulak tu Sion, dolokMu na badia i dohot tu Bagas ParmiananMi.

⁴ Jadi dapotkononku ma langgatanMu ale Debata, Ho sajo ma i mual ni hatuaanku. Marende ma au jana mamiltik hasapi, papuji-puji Ho, ale Debatangku, ale Debatangku.

⁵ Biasi marsak jana susa ho rohangku? Mararop ni roha tu Debata noma au jana mandok tarimakasi tuSia, tu Debatangku jana Sipalua di au.