1 JUJUR TAON 8 - BIBEL JAMITA NA DENGGAN

Pomparan ni si Benyamin

¹ Lima anak ni si Benyamin. Mangihutkon parjojor ni umurna, songon on ma: Si Bela, si Asibel, si Ahrah,

² si Noha dohot si Rafa.

³ Pomparan ni si Bela, i ma si Adar, si Gera, si Abihud,

⁴ si Abisua, si Naaman, si Ahoah,

⁵ si Gera, si Sefufan dohot si Huram.

^6-7 Pomparan ni si Ehud, i ma si Naaman, si Ahia dohot si Gera. Halahi ma kapala ni ripe na maringanan najolo di Geba. Tapi na dipaorot do halahi sian i, jadi si Gera amang ni si Usa dohot si Ahihud do mamimpin halahi maringanan di Manahat.

^8-9 Disirangkon si Saharaim do dua-dua dadaborunia i na margoar si Husim dohot si Baara. Jadi dompak maringanan di Luat Moab, disi ma dibuat ia si Hodesi jana adong ma pitu anaknia: Si Jobab, si Jibia, si Mesa, si Malkam,

¹⁰ si Jeus, si Sokia dohot si Mirma. Kapala ripe do sudena i.

¹¹ Sian dadaborunia na margoar si Husim i pe adong do dua anaknia: Si Ahitub dohot si Elpaal.

¹² Anak ni si Elpaal adong do tolu: Si Eber, si Misam, si Semed. Si Semed ma na mamungka kota di Ono dohot Lod maradu angka pagaran na humaliang i.

Angka halak Benyamin na di Gat dohot Ayalon

¹³ Si Beria dohot si Sema do kapala ripe di na maringanan di Ayalon dohot na paorotkon halak na mangingani kota Gat hian.

^14-16 Pomparan ni si Beria, i ma si Ahio, si Sasak, si Jeremot, si Zebaya, si Arad, si Eder, si Mikael, si Jispa dohot si Joha.

Halak Benyamin na di Jerusalem

¹⁷ Pomparan ni si Elpaal, i ma si Zebaya, si Mesulam, si Hiski, si Heberi,

¹⁸ si Jismerai, si Jislia, dohot si Jobab.

¹⁹ Pomparan ni si Simei i ma si Jakim, si Zikri, si Zabdi,

²⁰ si Elyoenai, si Ziletai, si Eliel,

²¹ si Adaya, si Beraya dohot si Simrat.

²² Pomparan ni si Sasak, i ma si Jispan, si Eber, si Eliel,

²³ si Abdon, si Zikri, si Hanan,

²⁴ si Hananya, si Elam, si Antotia,

²⁵ si Jifdeya dohot Pnuel.

²⁶ Pomparan ni si Jeroham, i ma si Samserai, si Seharya, si Atalia,

²⁷ si Jaaresai, si Elia dohot si Zikri.

²⁸ Angka halahi ma kapala ripe dohot pamimpin na tarsurat di tarombo ni halahi. Maringanan di Jerusalem do halahi.

Halak Benyamin na di Gibeon dohot Jerusalem

²⁹ Dipungka si Jeiel ma kota Gibeon jana maringanan ia disi. Na nibuatnia si Maaka goarna,

³⁰ jana anaknia siangkaan margoar si Abdon. Anaknia na deba nari i ma si Zur, si Kis, si Baal, si Ner, si Nadab,

³¹ si Gedor, si Ahio, si Zeker,

³² dohot si Miklot, amang ni si Simea. Di Jerusalem do maringanan anggo pomparan ni halahi rap dohot angka ripe na asing dongan sahorong ni halahi.

Keluarga ni Raja Saul

³³ Amang ni Raja Saul margoar si Kis jana ompungnia margoar si Ner. Opat anak ni si Saul: Si Jonatan, si Malkisua, si Abinadab dohot si Esbaal.

³⁴ Adong do anak ni si Jonatan na margoar si Meribaal, i ma amang ni si Mika.

³⁵ Si Mika adong do opat anaknia, i ma si Piton, si Melek, si Tarea dohot si Ahas.

³⁶ Anak ni si Ahas margoar si Joada, jana anak ni si Joada tolu halak, i ma si Alemet, si Asmawet dohot si Zimri. Parjojorna pomparan ni si Zimri, songon on ma: Mosa,

³⁷ Bina, Rafa, Elasa, Asel.

³⁸ Si Asel adong do onom anaknia: Si Asrikam, si Bokru, si Ismael, si Searia, si Obaja dohot si Hanan.

³⁹ Si Esek anggi ni si Asel, adong do tolu anakna: Si Ulam siangkaan, dung i si Jeus dohot si Elifelet.

⁴⁰ Angka parajurit na barani do sudena anak ni si Ulam boti na malo-malo mamake pana. Pahompunia hum halaklahi adong do saratus lima pulu halak bahatna. Sian Marga Benyamin ma halahi sude.