1 JUJUR TAON 4 - BIBEL JAMITA NA DENGGANPomparan ni Juda 1 Saonnari deba sian pomparan ni si Juda ma: Si Peres, si Hesron, si Karmi, si Hur dohot si Sobal. 2 Si Sobal i ma amang ni si Reaya; si Reaya amang ni si Jahat. Dua anak ni si Jahat: Si Ahumai dohot si Lahad. Halahi ma na umpompar halak na mangingani kota Zora. 3-4 Anak ni si Kaleb siangkaan sian dadaborunia na margoar si Efrat, margoar si Hur. Jana pomparan ni si Hur ma sipungka kota di Betlehem. Si Etam, si Pnuel dohot si Eser i ma anak ni si Hur. Tolu anak ni si Etam, i ma si Jisreel, si Isma dohot si Isbas jana sada borunia margoar si Haselelponi. Si Pnuel ma na mamungka kota Gedor jana si Eser ma sipungka kota Husa. 5 Dua dadaboru ni si Asur sipungka kota Tekoa, i ma si Hela dohot si Naara. 6 Sian si Naara adong opat anaknia, i ma si Ahusam, si Hefer, si Temeni dohot si Ahastari. 7 Sian si Hela, adong tolu anak ni si Zeret, si Jesohar dohot si Etnan. 8 Si Anub dohot si Hasobeba anak ni si Kos do i, i ma na umpompar horong ni si Aharhel anak ni si Harum. 9 Adong ma sada bayo na margoar si Jabes; sumangap do ia sian angka kahangginia. Digoari inangnia do ia si Jabes, hara ni na manaon na hancit ia laho manubuhon si Jabes. 10 Tapi martangiang ma si Jabes tu Debata na nisomba ni halak Israel, ning ia ma, “O Debata, pasupasu ma au jana sugari pabidang ma nian luat di au. Jagohon ma au jana padao ma parmaraan anso ulang marhancit au.” Jana tulus do tangiangnia i dibaen Debata. Taringot tu angka horong na asing 11 Si Kaleb anggi ni si Suha, adong do anaknia na margoar si Mehir. Anak ni si Mehir, si Eston, 12 jana si Eston tolu anaknia, i ma si Bet-Rafa, si Paseah dohot si Tehina. Si Tehina ma sipungka kota Nahas. Pomparan ni halahi i maringanan ma di kota Reka. 13 Si Kenas adong dua anaknia, i ma si Otniel dohot si Seraya. Si Otniel pe laing dua do anaknia i ma si Hatat dohot si Meonotai. 14 Anak ni si Meonotai, i ma si Ofra. Anak ni si Zeraya i ma si Joab na mamungka Rura Parpadotan. Angka na malo mamake jama-jamaan ni tangan, di rura i do maringanan. 15 Si Kaleb anak ni si Jefunne adong tolu anaknia: Si Iru, si Ela dohot si Naama. Anak ni si Ela ma si Kenas. 16 Si Jehaleleel adong opat anakna: Si Zip, si Zifa, si Tirey dohot si Asareel. 17-18 Anak ni si Esra adong opat: Si Jeter, si Mered, si Efer dohot si Jalon. Si Mered mambuat si Bica boru ni raja Mesir. Adong do boru ni halahi sada margoar si Miryam dohot anak dua, na margoar si Samai dohot si Jisba. Si Jisba ma na mamungka kota Estemoa. Si Mered pe laing mambuat boru sian Marga Juda do ia; tolu anak ni halahi: Si Jered na mamungka kota Gedor, si Heber na mamungka kota Soko dohot si Jekutiel na mamungka kota Zanoah. 19 Si Hodia kawin dohot iboto ni si Naham. Pomparan ni halahi ma angka ompu ni horong Garmi dohot horong Maaka. Horong Garmi maringanan di kota Kehila, jana horong Maaka maringanan di kota Estemoa. 20 Si Simon adong opat anaknia: Si Amnon, si Rina, si Benhanan dohot si Tilon. Si Jisei adong dua anaknia: Si Zoket dohot si Bensohet. Pomparan ni si Sela 21-22 Sada sian anaknia si Juda margoar si Sela. Songon on ma parjojorna pomparannia: Si Er na mamungka kota Leka Si Lada na mamungka kota Maresa Si Kaum partonun abit linen di kota Bet-Asbea Si Jokim Halak na mangingani kota Koseba Si Joas Si Sarap na mambuat angka boru Moab jana na maringanan di Betlehem. Sian pustaha narobi do disalin parjojor ni goar-goar i. 23 Halahi ma sibaen kendi dohot gunci sipakeon ni raja jana maringanan di kota Netaim dohot Gedera do halahi. Pomparan ni si Simeon 24 Lima anak ni si Simeon: Si Nemuel, si Jamin, si Jarib, si Zerah dohot si Saul. 25 Anak ni si Saul margoar si Salum, anak ni si Salum margoar si Mibsam, jana anak ni si Mibsam margoar si Misma. 26 Si Misma ma amang ni si Hamuel, si Simeon amang ni si Hamuel, si Hamuel amang ni si Zakur, jana si Zakur amang ni si Simei. 27 Dakdanak ni si Simei adong do dua pulu dua halak: Onom bolas ma i halaklahi jana onom halak dadaboru. Hape anggo kahanggi ni si Simei i, hum saotik do dakdanakna. Ummotik do pomparan ni si Simeon ulang pado pomparan ni si Juda. 28 Lalu tu hatiha ni Raja Daud, laing maringanan di angka kota na mangihut on ma pomparan ni si Simeon: Di Berseba, Molada, Hasarsual, 29 Bilha, Esem, Tolad, 30 Betuel, Horma, Ziklag, 31 Bet-Markabot, Hasar-Susim, Bet-Biri dohot Saaraim. 32 Laing maringanan dope halahi di lima inganan na asing, i ma di Etam, Ain, Rimon, Token dohot si Asan, 33 dohot di angka huta na humaliang inganan i lopus tu kota Baal di sabola Barat Daya. Songon i ma catatan na adong taringot tu pomparan ni si Simeon domu tu tarombo dohot angka inganan ni halahi. 34-38 Na mangihut on, i ma goar-goar ni angka kapala ni horong di Marga Simeon: Si Mesobab, si Jamlek, si Josa anak ni si Amasia, si Joel. Si Jehu anak ni si Josibia (si Josibia i ma anak ni si Seraya pahompu ni si Asiel). Si Elyoenai, si Jaakoba, si Jesohaya, si Asaya, si Adiel, si Jesimiel, si Benaya. Si Zisa anak ni si Sifei (tarombo sian si Sifei tu ginjang songon on ma: Alon, Jedaya, Simri, Semaya). Dibaen na sai torus martamba gabe do horong ni halahi, 39-40 jadi mur rarat ma halahi tu Hasundutan lalu tu lambung ni kota Gedor. Halak Ham humani do anggo aslina na mangingani luat i na mangolu di bagasan dame dohot sonang. Di Habincaran ni Gedor, dapot angka horong ni Marga Simeon i ma padang na bidang boti na napu. Jadi gabe dipadiar halahi ma manjampali angka pahan-pahanan ni halahi di inganan i. 41 Dompak si Hiskia raja ni Juda, diroro pomparan ni si Simeon i ma lalu tu Gedor. Disegohon halahi ma angka undung-undung ni pangisi ni kota i, lalu dipaorot halahi jolmana i. Dung i hot ma halahi disi maringanan, dibaen bahat do ruput disi di pahan-pahanan ni halahi. 42 Pinda ma lima ratus halak nari tu Edom Habincaran sian Marga Simeon, na nipimpin ni angka anak ni si Jisei, i ma si Pelaca, si Nearia, si Refaya dohot si Usiel. 43 Dibunu halahi ma halak Amalek na tinggal i lalu hot ma halahi maringanan disi lopus tu sadari on. |
Indonesian Bible Society
Indonesian Bible Society