1 JUJUR TAON 3 - BIBEL JAMITA NA DENGGAN

Angka anak ni Raja Daud

^1-3 Angka anak ni si Daud na sorang di Hebron mangihutkon parjojor ni umurna i ma: Si Amnon – tubu ni si Ahinoam boru ni si Jisreel Si Daniel – tubu ni si Abigail boru ni si Karmel Si Absalom – tubu ni si Maaka boru ni si Talmai raja ni Gesur Si Adonia – tubu ni si Hagit Si Sefaca – tubu ni si Abital Si Jitream – tubu ni Egla

⁴ Anak ni si Daud na onom i, i ma na sorang di Hebron, di na mamarenta ia disi pitu satonga taon honokna. Di Jerusalem, tolu pulu tolu taon honokna si Daud mamarenta.

⁵ Sian dadaborunia na margoar si Batseba boru ni si Amiel, adong do opat anak ni si Daud na sorang di Jerusalem: Si Simea, si Sobab, si Natan dohot si Salomo jana bahat anaknia sorang disi.

⁶ Adong muse dope sambilan halak nari anaknia na asing: Si Jibnar, si Elisua, si Elfelet,

⁷ si Nogah, si Nefeg, Jafia,

⁸ si Elisama, si Elyada dohot si Elifelet.

⁹ Asing sian i, adong muse dope angka anak ni si Daud sian angka radingnia. Adong muse do sada borunia na margoar si Tamar.

Pomparan ni Raja Salomo

^10-14 Tarombo ni raja-raja ni Israel mamungka sian Raja Salomo lalu tu si Josia, songon on ma: Salomo, Rehabeam, Abia, Asa, Josafat, Joram, Ahasia, Joas, Amasia, Usia, Jotam, Ahaz, Hiskia, Manase, Amon dohot Josia.

¹⁵ Adong do opat anak ni si Josia, i ma si Johanan, si Joyakim, si Zedekia dohot si Joahas.

¹⁶ Si Joyakim adong do dua anaknia na margoar si Joyakin dohot si Zedekia.

Pomparan ni Raja Joyakin

¹⁷ Angka on ma pomparan ni si Joyakin raja na hona taban dibaen halak Babel. Adong do pitu anaknia, i ma si Sealtiel,

¹⁸ si Malkiram, si Pedaya, si Senasar, si Jekamia, si Hosama dohot si Nedabia.

¹⁹ Anak ni si Pedaya dua halak: Si Zerubabel dohot si Simei. Si Zerubabel adong dua anaknia, i ma na margoar si Mesulam dohot si Hanaya jana sada boruna na margoar si Selomit.

²⁰ Adong muse dope lima nari anaknia, i ma si Hasuba, si Okel, si Berekia, si Hasaya dohot si Jusab Hesed.

²¹ Si Hananya adong dua anaknia: Si Pelaca dohot si Jesaya. Si Jesaya ma amang ni si Refaya; si Refaya amang ni si Arnan; si Arnan amang ni si Obaja, jana si Obaja amang ni si Sekanya.

²² Adong sada anak ni si Sekanya, i ma na margoar si Semaya, jana si Semaya adong lima anaknia na margoar si Hatus, si Jigal, si Bariah, si Nearia dohot si Safat.

²³ Adong do tolu halak anak ni si Nearia: Si Elyoenai, si Hiskia dohot si Asrikam.

²⁴ Si Elyoenai adong pitu anaknia: Si Hodawia, si Elyasib, si Pelaya, si Akub, si Johanan, si Delaya dohot si Anani.