Yasuva 19 - The Keyagana NT and 25 OT books

Simeyoni nofi vayaʼmogimo aliʼnaya mopaeʼmo huʼniya gemae

¹ Apakaemo lole afinaʼmo mago yaʼmo yaga au maleʼneʼa aliʼa ageteʼapaeʼmo Simeyoni nofi vayapati afamo anagaʼaʼe anagaʼaʼeʼmo mopa hetamaʼapimo afole aiʼniye. Mopaʼapimo Yuta vayaʼmogi mopamo folagapiʼmo haneʼniye.

^2-9 Simeyoni vayaʼmogimo aliʼnaya taonimo agiʼamo Miyasima Sima taonigi Molana taonigi Heyasuva taonigi Mela taonigi Iyemi taonigi Etolaʼni taonigi Mituli taonigi Homa taonigi Yikilaki taonigi Metimakamati taonigi Heyasusa taonigi Metilemaʼoti taonigi Saluheni taonigi huno haneʼniye. Apakaemo muki tetiniʼa taonimo haopaleʼmo haneʼniya taoniʼeʼmo aliʼnae. Ani kavaʼmo huteʼa Eini taonigi Limoni taonigi Ita taonigi Esani taonigi huʼa foʼa taoniʼe haopaleʼmo haneʼniya koʼeʼmo aliʼnae. Apakaemo Simeyoni nofi vayaʼmogimo muki taoniʼe haopaleʼmo haneʼniya taoniʼeʼmo alime uʼa haopaleʼmo Melatimiye taonimo alu agiʼamo Lama taoniʼeʼmo hoga haopaleʼmo haneʼniya taonimo aliʼnae. Yuta vayaʼmo alopa mopamo lekana paiʼa apateʼnayaʼmofeʼmo Simeyoni nofi vayaʼmogimo Yuta vayaʼmogi mopafatiʼmo magokayaga mopaʼamo aliʼnae.

Yemulani nofi vayaʼmogimo aliʼnaya mopaeʼmo huʼniya gemae

^10-16 Napa tali mopa hetamamo Yemulani nofi vayaʼmogi afamo anagaʼaʼe anagaʼaʼeʼmo aliʼnae. Apakaemo aliʼnaya mopamo hakuʼmo hanelino Seliʼni taonileʼmo uʼniye. Hakuʼmo hanelino yegemo uno lamino nefaleya haopalega Malala taonileʼmo uteno hanelino Nameseti taonimo haopaletiʼmo hanelino aise aniʼmo haneʼniyategamo akame huno hanelino Yakineyamu taonileʼmo yegemo haine neʼeya haopalega uʼniye. Saliʼni taoniletiʼmo hakuʼmo hanelino yegemo haine neʼeya haopalega Kisiloti Temo taonimo hakuteʼmo uteno hanelino Namelati taoniletiʼmo uno Yafaiya taonimo aeno aga seno hanelino uʼniye. Hakuʼmo hanelino yegemo haine neʼeya haopalegati uno Getihife taonileʼe Etikeyini taonileʼeʼmo uno avaʼyi huteno aino afe leno hanelino Limoni taonileʼmo uʼniye. Limoni taonimo haopaleʼmo Niya taonimo haneʼniye. Hanatoni taonimo lamaga haopalegamo hakuʼmo hanelino uteno aino afe leno hanelino Ifatahe kagoʼmu koteʼmo uno avaʼyi huʼniye. Yemulani vayaʼmogi aliʼnaya taonimo agiʼamo Kata taonigi Nihala taonigi Similoni taonigi Inala taonigi Metalehamu taonigi magoʼe tainogi huʼa aliʼnae. Apakaemo muki tuolofuʼa taoniʼe haopaleʼmo haneʼniya koʼeʼmo aliʼnae.

Isaka nofi vayaʼmogimo aliʼnaya mopaeʼmo huʼniya gemae

¹⁷ Napa fo mopa hetamamo Isaka nofi vayaʼmogi afamo anagaʼaʼe anagaʼaʼeʼmo aliʼnae.

^18-23 Isaka vayaʼmogimo aliʼnaya taonimo agiʼamo Yesiliyo taonigi Kesuloti taonigi Siyunami taonigi Hafeleyimi taonigi Yaiyoni taonigi Enahelati taonigi Lamiti taonigi Kisiyoni taonigi Imeyi taonigi Limeti taonigi Eniganimi taonigi Enihana taonigi Metipayeyi taonigi huʼa aliʼnae. Isaka vayaʼmogimo aliʼnaya mopamo hakuʼmo Temo aveleʼmo hanelino uno avaʼyi huteno hanelino Sahayuma taonileʼe Metisimesi taonileʼeʼmo uteno hanelino Yoneni aniteʼmo uno hano huʼniye. Apakaemo Isaka vayaʼmogimo sigisitiniʼa taoniʼe haopaleʼmo haneʼniya koʼeʼmo aliʼnae.

Asa nofi vayaʼmo apamiʼnaya mopaeʼmo huʼniya gemae

²⁴ Napa faefu mopa hetamamo Asa nofi vayaʼmo afamo anagaʼaʼe afamo anagaʼaʼeʼmo aliʼnae.

^25-31 Asa nofi vayaʼmogi hakuʼmo taonimo yuʼilagamo Helikati taonigi Helai taonigi Miteni taonigi Akasafi taonigi Alameleki taonigi Emati taonigi Maisali taonigi huno hanetegeno yuʼilagamo haneʼniye. Hakuʼmo yegemo uno lamino nefaleya haopalegamo hanelino Kameli avemo alino ataleno hanelino uno aise ani kaʼmo agiʼamo Saiholi Limanati ani kateʼmo akame huno hanelino uteno aino lo aeno hanelino yegemo haine neʼeya haopalega uteno hanelino Metinegoni taonileʼmo uteno hanelino Yemulani nofi vayaʼmogi hakuteʼmo uteno Ifitaheli kagoʼmu koteʼmo hanelino uteno lamaga haopalega Metimeki taonigi Neyai taonigi Kema taonigi huno aeno aga seno hanelino uʼniye. Ani hakumo yuʼilagamo Imilani taonigi Lihapi taonigi Hamani taonigi Kena taonigi alopa Sainoni taonigi huno haneʼniye. Hakumo aino atagineno hanelino Lema taonileʼmo hanelinuno Taiya taonileʼmo uno avaʼyi huʼnigeno ani taonileʼmo lokiya yafa kegiʼyamoʼmo faino vego huno ateʼniye. Hakuʼmo ani taoniletiʼmo hanelinuno aino atagineno hanelino Hosa taonileʼmo uteno hanelino alopa Metaleniyani solovalateʼmo Akisipi taonimo haopaleʼmo uno avaʼyi huʼniye. Hakuʼmo taonimo yuʼilagamo Uma taonigi Efeki taonigi Lihopi taonigi huno hanetegeno yuʼilagamo haneʼniye. Apakaemo Asa vayaʼmogimo tuveti tuʼa taoniʼe haopaleʼmo haneʼniya taoniʼeʼmo aliʼnae.

Nafatali nofi vayaʼmogimo aliʼnaya mopaeʼmo huʼniya gemae

³² Napa sigisi mopa hetamamo Nafatali nofi vayaʼmo afamo anagaʼaʼe anagaʼaʼeʼmo aliʼnae.

³³ Mopaʼapimo hakuʼmo Hilefi taoniletiʼmo aepa faiteno alino ataleno Yenanimi taonifiʼmo mago oka agufa yosamo haneʼniya yateʼmo hanelino uteno hanelino Aʼnami Nikepi taoniletiʼmo hanelinuno Yapini taoniletiʼmo hanelinuno Lakumi taoniletiʼmo hanelinuno Yoneni aniteʼmo hanelinuno hano huʼniye.

³⁴ Hilefi taonile hakuʼmo alino ataleno hanelino aino lo aeno hanelino yegemo uno lamino nefaleya haopalega Asinoti Temo taoniletiʼmo hanelinuno Hukoki taoniletiʼmo hanelinuno Yemulani nofi vayaʼmogi hakuʼmo hoga haopalega hanege Asa nofi vayaʼmogi hakuʼmo yegemo uno lamino nefaleya haopalega hanege Yuta nofi vayaʼmogi hakuʼmo yegemo haine neʼeya haopalega Yoneni aniʼmo hanege huʼniye.

^35-39 Ani hakuʼmo yuʼilagamo ani taonileʼmo lokiya yafa kegiʼyamoʼmo faino vego huno ateʼniya taonimo yuʼilagamo haneʼniyana Yinimi taonigi Ye taonigi Hamati taonigi Lakati taonigi Sineleti taonigi Enama taonigi Lema taonigi Heso taonigi Kinesi taonigi Enaleyai taonigi Eniheso taonigi Ailoni taonigi Mikinale taonigi Holemi taonigi Metenati taonigi Metisimesi taonigi huno hanetegeno yuʼilagamo haneʼniye. Apakaemo Nafatali nofi vayaʼmogimo muki naetiniʼa taoniʼe haopaleʼmo haneʼniya taoniʼeʼmo aliʼnae.

Nani nofi vayaʼmogimo aliʼnaya mopaeʼmo huʼniya gemae

⁴⁰ Napa seveni mopa hetamamo Nani nofi vayaʼmogi afamo anagaʼaʼe anagaʼaʼeʼmo aliʼnae.

^41-46 Nani nofi vayaʼmogi hakuʼmo taonimo yuʼilagamo Yola taonigi Esitayo taonigi Isimesi taonigi Selami taonigi Eyaloni taonigi Itila taonigi Iloni taonigi Timina taonigi Ekiloni taonigi Eliteke taonigi Gimeto taonigi Melati taonigi Yihuti taonigi Menemilaki taonigi Gatilimoni taonigi Miyakoni taonigi Lakoni taonigi Yapa taonimo haopaleʼmo haneʼniya konagi huno hanetegeno yuʼilagamo haneʼniye.

⁴⁷ Henagaʼamo Nani nofi vayaʼmogimo Lisimi taonifimo maiʼnaya vayaʼmo naipeletiʼmo kame huteʼa taonifatiʼmo aliʼa hapa faiʼa apataleteʼa Lisimi taonimo aliteʼa maiʼnae. Nani vayaʼmogimo ani taonimo agiʼamo Lisimi taoniye, huno haneʼniya agimo aliʼa apakinago vekamo agileʼmo Nani taoniye, huʼa agi aeʼnae.

⁴⁸ Muki ani mopaleʼmo haneʼniya taoniʼe haopaleʼmo haneʼniya taoniʼeʼmo Nani nofi vayaʼmogi afamo anagaʼaʼe anagaʼaʼeʼmo aliʼnae.

Isaleli vayaʼaiteʼmo yagaiʼnaya vayaʼmogimo mopamo fako huʼa Yasuvaʼmo amiʼnaya gemae

⁴⁹ Isaleli vayaʼmogimo muki haopalega mopamo fako huʼa apamiʼa hano huteʼapaeʼmo Yasuvaʼmo Nani mafaʼnemo mago mopamo amiʼnae.

⁵⁰ Yasuvaʼa Ifalemi vayaʼmogi aveleʼmo haneʼniya Timinati Sila taonimo agaemo amisayafeʼmo apakaefeʼmo ge huʼnigeʼapaeʼmo apakaemo Ala kava neʼmoʼa huʼniya gemo akame huʼa amiʼnae. Yasuvaʼa ani taonimo halate kiteno maiʼniye.

⁵¹ Mono huno neʼapateya vekamo Iliyesaʼagi Nani mafaʼnemo Yasuvaʼagi Isaleli nofi vayapatiʼmo muki magoke magoke afamo anaga vayaʼaiteʼmo yagaiʼa neʼapataya vayanagi huʼa Ala kava neʼmo aulagaleʼmo Sailo taonifiʼmo Ala kava neʼmo seli mono noʼamo kipateʼmo mago yaʼmo yaga au maleʼneʼa aliʼa ageteʼapaeʼmo mopamo fako huʼa apamiʼa hano huʼnae.