Yasuva 15 - The Keyagana NT and 25 OT books

Yuta nofi vayaʼmogi aliʼnaya mopaeʼmo huʼniya gemae

¹ Yuta nofi vayapatiʼmo afamo anagaʼaʼe anagaʼaʼeʼmo aliʼnaya mopamo haneʼniyana mopaʼapimo hakuʼmo hoga haopalega atupaʼamo Itomi kotega hakutetiʼmo hanelino Sini kahaepa kaʼme kotegamo uʼniye.

² Ani hakuʼmo haopaleʼmo Hage ani kotuʼmo agiʼnaletiʼmo aepa faiteno

³ hanelinuno Akalamimi avelegamo uʼa nehaiya kageka kaʼmo alino ataleno Sini kahaepa kaʼme kotega hanelinuno hoga haopalega Kenesi Maneya kotetiʼmo alagi hanelinuno Hesaloni taonimo alino ataleno Aʼna taonileʼmo hanelinuno haiteno atagineno hanelino Kaka taonileʼmo uʼniye.

⁴ Kaka taonimo alino ataleno Asamoni taonifiʼmo neʼvaya kateʼmo uno Isipi koʼmo hakuteʼmo ani aise aniʼmo akame huno hanelinuno alopa Metaleniyani solovalateʼmo hano huʼniye. Yuta vayaʼmogi mopamo hakuʼmo ani hoga haopalegamo haneʼniye.

⁵ Yegemo haine neʼeya haopalega mopaʼapimo hakuʼmo Hage ani kotuʼmo haneʼniye. Hanelino Yoneni aniʼmo avayaleʼmo uʼniye. Lamaga haopalega hakuʼmo aniletiʼmo aepa faiʼniye.

⁶ Aepa faiteno hanelino Meti Hokala taonimo lamaga haopaleʼmo uteno hanelino alopa yafaʼmo Lumeni mafaʼnemo Mohani yafateʼmo uʼniye.

⁷ Inagi hakuʼmo Eko kagoʼmu kotegatiʼmo hanelinuno haino Nimi taoni haopalegamo uteno atagineno lamaga haopalegamo hanelino Giligali taonileʼmo uʼniye. Kagaemo Giligali taonifiʼmo he tiʼnekaeʼmo hoga haopalega kageka kaʼmo ani kagoʼmu kotega Anamimi avelegamo uno haiʼnisiya kaʼmo agegane. Hakuʼmo Enasimesi meti anitetiʼmo hanelino Enaloge taonimo alino ataleno hanelino

⁸ Hinami mafaʼnemo kagoʼmu kotega hoga haopaleʼmo uʼa nehaiya koteʼmo Yemu nofi vayaʼmogi taonimo Yulusalemu taonimo haneʼniya koteʼmo haiʼniye. Hakuʼmo alino ataleno hanelino ani Hinami kagoʼmu kotega aveleʼmo uno haiteno yegemo uno lamino nefaleya haopalegamo uʼniye. Ani avemo lamaga haopalega alopa yatala vayaʼmo Lefayimi vayaʼmogi kagoʼmu koteʼmo haneʼniye.

⁹ Alino ataleno hakuʼmo hanelinuno haino Nefatova meti aniteʼmo uteno Ifaloni aveleʼmo haneʼniya taoniʼamo haopaleʼmo uteno atagineno Mela taonimo alu agiʼamo Kiliyati Yiyalimi taonileʼmo uʼniye.

¹⁰ Mela taoniletiʼmo hanelinuno aino vego huno yegemo uno lamino nefaleya haopalegatiʼmo uno Siya aveleʼmo hanelino uteno Yiyalimi avemo alu agiʼamo Kesaloni aveleʼmo hanelinuno lamiteno Meti Semesi taonileʼmo hanelinuno lamiteno Timina taonimo alino ataleno hanelino uʼniye.

¹¹ Inagi ani hakuʼmo Ekalo taonimo lamaga haopalega haneʼniya aveleʼmo uʼa nehaiya koteʼmo hanelinuteno atagineno hanelino Sikeloni taonileʼmo uteno Mela avemo alino ataleno hanelino Yamaniya taonifiʼmo uʼniye. Ani hakuʼmo hanelinuno alopa Metaleniyani solovalateʼmo hano huʼniye.

¹² Ani hakuʼmo hanelinuno yegemo uno lamino nefaleya mopamo atupaleʼmo alopa Metaleniyani solovalateʼmo uʼniye. Muki Yuta nofi vayaʼmo afamo anagaʼaʼe anagaʼaʼeʼmo ani mopaleʼmo maiʼnae.

Kelepiʼmo kame huteno Hipaloni taoniʼe Nima taoniʼeʼmo aliʼniya gemae

¹³ Ala kava neʼmoʼa hogoteno Yasuvafeʼmo ha painoʼaeʼmo, Kagaemo Yuta vayaʼmogi mopafatiʼmo Kelepiʼmo Yefane mafaʼnemo mopamo amiyo, huno ha paiʼnigeno Yasuvaʼa Hipaloni taonimo alu agiʼamo Kiyati Ama taonimo amiʼniye. Hogoteno Aʼma Enaki afoʼamo taoniʼmae.

¹⁴ Kelepiʼmo loleʼe magoʼe Enaki aginago nofi vayaʼmo Sesai vayaʼenagi Ahaimani vayaʼenagi Talime vayaʼenagi huno kame huteno hapaeno hapa faino apataleʼniye.

¹⁵ Kelepiʼmo ani kotetiʼmo atalenuno Nimi taonifi vayaʼeʼmo kamemo huʼniye. Akeyaʼvilagamo ani taonimo agiʼamo Kiliyati Sifa taonie, huʼa agi aeʼnae.

¹⁶ Inagi Kelepiʼmo hunoʼaeʼmo, Kiliyati Sifa taonifi vayaʼeʼmo kame huno aeno apaka sesiya vekamoʼmo nagae a mafaʼnemo Akisaʼmo aligiye, huno huʼniye.

¹⁷ Inagi Atiniyeliʼmo Kelepi aganaʼamoʼmo Kinasi mafaʼnemoʼmo kame huteno ani taonimo aliʼnigenoʼaeʼmo Kelepiʼmo a mafaʼneʼamo Akisaʼmo avaleno amiʼnigeno aliʼniye.

¹⁸ Akisaʼmo Atiniyeliʼmo maiʼniya afinaʼmo enoʼaeʼmo Akisaʼmo Atiniyeli aipa agesamo alisiyafeʼmo hunoʼaeʼmo, Kagaemo afoʼnimofeʼmo, mago mopamo laʼamiyo, huka ge huka afigo, huno huteno nokiʼaletiʼmo emineneʼegenoʼaeʼmo Kelepiʼmo hunoʼaeʼmo, Na agufa yafeʼmo kahauʼniye, huno ge huno afi geʼniye.

¹⁹ Akisaʼmo geʼaleʼmo aeno atagaina hunoʼaeʼmo, Aulena gemo naha paiyo. Hoga haopalega haneʼniya mopamo namiʼnanaʼmofeʼmo mago meti aniʼmo namiyo, huno huʼnigeno Kelepiʼmo anagamo haneʼniya meti aniʼe afelagamo haneʼniya meti aniʼeʼmo amiʼniye.

Yuta nofi vayaʼmogimo taonimo aliʼnaya gemae

²⁰ Yuta nofi vayaʼmogi afamo anagaʼaʼe anagaʼaʼeʼmo aliʼnaya taonimo haneʼniye.

²¹ Yuta nofi vayaʼmogi hoga haopalega aliʼnaya taonimo agiʼamo Inomi hakuʼmo haopaleʼmo Kepiseyo taonigi Iʼne taonigi Yegu taonigi

^22-32 Kaina taonigi Nimona taonigi Anena taonigi Kinesi taonigi Heso taonigi Itanani taonigi Sifi taonigi Tilemi taonigi Miyaloti taonigi Heso Hanata taonigi Kiliyoti Hesaloni taonimo alu agiʼamo Heso taonigi Emami taonigi Sima taonigi Molana taonigi Hesagana taonigi Hesamoni taonigi Metipileti taonigi Hesa Suvali taonigi Misima taonigi Misiyotaiya taonigi Mela taonigi Ai taonigi Isemi taonigi Elitolati taonigi Kisili taonigi Homa taonigi Sikilaki taonigi Matamana taonigi Sanasana taonigi Lemayoti taonigi Silimi taonigi Eni taonigi Limoni taonigi huno haneʼniye. Ani kotegamo tuveti naeniʼa taoniʼe haopaleʼmo haneʼniya aise taoniʼeʼmo haneʼniye.

^33-36 Aise avelegamo muki haneʼniya taonimo agiʼamo Esataʼoli taonigi Yola taonigi Asana taonigi Yanova taonigi Ena Ganimi taonigi Tapuva taonigi Enami taonigi Yalamuti taonigi Analami taonigi Soko taonigi Ayeka taonigi Seʼalemi taonigi Anitaimi taonigi Geʼnela taonigi Geʼnelotaimi taonigi fotiniʼa taoniʼe haopaleʼmo haneʼniya aise taoniʼeʼmo haneʼniye.

^37-41 Magoʼe huno alu taonimo Yenani taonigi Haʼnasa taonigi Migana Gati taonigi Niliyani taonigi Miyapa taonigi Yokati taonigi Lakisi taonigi Mosaka taonigi Egaloni taonigi Kamoni taonigi Lamasi taonigi Kitalisi taonigi Geneloti taonigi Meti Negoni taonigi Nama taonigi Makana taonigi huno haneʼniye. Sigisitiniʼa taoniʼe haopaleʼmo haneʼniya aise taoniʼeʼmo haneʼniye.

^42-44 Magoʼe huno alu taonimo Lipina taonigi Ite taonigi Asana taonigi Yifati taonigi Asina taonigi Niye taonigi Kila taonigi Akasipi taonigi Malisahanine taonagi huno haneʼniye. Naeniʼa taoniʼe haopaleʼmo haneʼniya aise taoniʼeʼmo haneʼniye.

^45-47 Alu kotegamo muki haneʼniya taonimo Ekaloni taonigi muki haopalega haneʼniya aise taoniʼe koʼenagi huno haneʼniye. Asanoni taonimo haopalegamo muki haneʼniya taoniʼaletiʼe Ekaloni taoniletiʼeʼmo aepa faiteno hanelino solovala anitegamo uʼniye. Asinoti taonigi Gasa taonigi muki taonigi haopaleʼmo haneʼniya taoniletinagi aise taoniletinagi huno hanelino aise aniʼmo Isipi koʼmo hakuteʼmo uno alopa Metaleniyani solovala aniteʼmo uʼniye.

^48-51 Aise avefiʼmo Sami taonigi Yati taonigi Soko taonigi Nana taonigi Kiliyati Sefa taonimo alu agiʼamo Nemi taonigi Enapi taonigi Esatemo taonigi Enimi taonigi Goseni taonigi Holoni taonigi Gailo taonigi huno haneʼniye Leveniʼa taoniʼe haopaleʼmo haneʼniya aise taoniʼeʼmo haneʼniye.

^52-54 Magoʼe huno alu taonimo Elapi taonigi Numa taonigi Isani taonigi Yanimi taonigi Meti Tapuva taonigi Afeka taonigi Humata taonigi Hipaloni taonigi Yiyo taonigi huno haneʼniye. Naeniʼa taoniʼe haopaleʼmo haneʼniya taoniʼeʼmo haneʼniye.

^55-57 Magoʼe huno alu taonimo Meyoni taonigi Kamo taonigi Yifi taonigi Yuta taonigi Yesalili taonigi Yokaniya taonigi Yanova taonigi Keyini taonigi Gimiya taonigi Timana taonigi huno haneʼniye. Teniʼa taoniʼe haopaleʼmo haneʼniya aise taoniʼeʼmo haneʼniye.

^58-59 Mago taonimo Halihuli taonigi Meti Yuva taonigi Giʼno taonigi Meyalati taonigi Meti Enoti taonigi Etekoni taonigi huno haneʼniye. Sigisiʼa taoniʼe haopaleʼmo haneʼniya taoniʼeʼmo haneʼniye.

⁶⁰ Lole taonimo Kiliyati Meli taoniʼe Lama taoniʼeʼmo haneʼniye. Haopaleʼmo haneʼniya aise taoniʼeʼmo haneʼniye.

^61-62 Kahaepa kaʼme koteʼmo haneʼniya taonimo agiʼamo Meti Alama taonigi Mitini taonigi Sekaka taonigi Nipisani taonigi Hage taonigi Enageti taonigi huno haneʼniye. Sigisiʼa taoniʼe haopaleʼmo haneʼniya aise taoniʼeʼmo haneʼniye.

⁶³ Yuta vayaʼmogimo Yemusi vayaʼmo Yulusalemu taonifiʼmo maiʼnaya vayaʼmogeʼapaeʼmo afaʼa hapa faiʼa oʼapataleʼnae. Oʼapataleʼnayaʼmofeʼmo apakaemo Yemusi vayaʼmo Yuta vayaʼeʼmo Yulusalemu taonifiʼmo magokepiʼmo lokaeʼa maime maime eʼa hemenimo maiʼnae.