Samu 95 - The Keyagana NT and 25 OT books

Gotifekeʼmo mono higetao, huno huʼniya gemae

¹ Egetao Ala kava neʼmo agiʼaleʼmo alita asaga huta agaefeʼmo mono yokemo hugune. Lokiya vekatimo yafakana huno maiʼneno lagufamo alino katino nelateya vekaekeʼmo alopa gefatiʼmo huteta lamogagamo aigune.

² Agaetegamo egetao agaefekeʼmo hao ke hegaune. Agiʼaleʼmo alita asaga huta lamogagamo aiteta samu yokemo hugune.

³ Ala kava neʼmo alagi ala Gotiʼapimoʼmo maiʼniye. Ala kini vekamo maiʼneno muki aigofe gotiʼapimogimo alagi aeno apakaseno yagaino neʼapateyaʼmofeʼmo mono yokemo higetao.

⁴ Kagoʼmufilagamo yagaige aveleʼmo yagaige nehiye.

⁵ Solovala aniʼe mopaʼeʼmo alo huʼniyaʼmofeʼmo agaiʼa yaʼmo haneʼniye.

⁶ Eta ape higetao Ala kava neʼmoʼa alo huno lateʼniya vekaeʼmo laleʼyaʼmo faiʼneta mono hugune.

⁷ Gotitimoʼmo maiʼneno yagaino nelateya vayaʼmo sipisipi vayaʼamo agaiʼa kegiʼyafiʼmo uta haita maiʼnonaʼmofeʼmo agaefekeʼmo mono higetao. Hemenimo lapakaemo Goti geʼamo neʼafisayana

⁸ lapaipamo alita lokiya vaita oʼateyo. Lapakinago vayaʼmogimo kaʼme kotegamo nata neʼa neʼuʼapaeʼmo namalageka huʼnae. Geʼnimo ago amagiʼa ataleʼnaya kava hutapa geʼnimo amagita oʼataleyo.

⁹ Nagaemo lusi alagepa kavaʼmo huʼna fotiʼa kafugamo hapa maeʼnogeʼa alagepa kavaʼnimo ago ageʼnayaʼmonanafa hosu kavakeʼmo nehuʼapaeʼmo, na agufa kavaʼmo husifi, huteʼa namalageka huʼnae.

¹⁰ Huʼnayaʼmofeʼmo ani afinaʼmo muki maiʼnaya vayaʼaifeʼmo naipamoʼmo kana huʼnigeʼnaeʼmo, muki afinaʼaeʼmo hosu apaipa apakesageʼmo afiteʼapaeʼmo nataleʼnae. Geʼnimo alagi alagepa huʼa noʼafiye.

¹¹ Naipamo leʼnigeʼnaeʼmo nagoʼyamo ataleteʼna lokiya gefatiʼmo huʼnaeʼmo, nagaeʼeʼmo eʼa haiʼeʼa maiʼa haga lesaya koteʼmo alagi eʼa haiʼeʼa oʼmaigae, huʼna huʼnove.