Samu 93 - The Keyagana NT and 25 OT books

Ala kini vekamoʼmo neʼyagaiya kavafeʼmo huʼniya gemae

¹ Ala kava neʼmo kini vekamo maiʼneno yagaino neʼapate. Agaemo ala agiʼaʼe ha le konali yaʼaʼeʼmo vaino aliʼniye. Lokiyaʼamo kukenagana huno vaino aliʼniye. Agaemo ma mopamo alino lokiya vaino ateʼniyanageno kanage kanage osugiye.

² Ala kava nene, huʼna, Kagaemo akeyaʼvilagatiʼmo alagi maime maime neʼane. Muki afinaʼaeʼmo kini vekamo maiʼnane.

³ O Ala kava nene, huʼna, aniʼmoʼa aino holakau holakau nehiye. Aniʼmoʼa uno haiteno uno lamiteno nehigenoʼaeʼmo alopa agemo neʼaiye.

⁴ Ala kava neʼmo lokiyaʼamoʼmo aniʼmoʼa aino holakau holakau nehigenoʼaeʼmo alopa agemo neʼaiya aniʼmo lokiyaʼamo ago aeno agaseʼniye.

⁵ Kavayafatiʼmo lokiya gemo huʼnana gemo haneʼniyanageno alagi hanege hanege huno afaʼa hanegaiye. O Ala kava nene, huʼna, Nokamo konali yaʼamo afaʼa hanege hanege huno hanesiya kava huʼa vayakamogi alagepa apaote kavaʼapimo haneʼniye.