Samu 87 - The Keyagana NT and 25 OT books

Saiyoni taonimo haneʼniya kavafeʼmo huʼniya gemae

¹ Gotiʼa taoniʼamo muki aoteʼmo hu maleʼniya aveʼale aveʼaleʼmo faino ateʼniye.

² Ala kava neʼmoʼa Yekopu aginago vayaʼamo noʼapifi noʼapifiʼmo apaote apaote huʼa maiʼnaya vayaʼaifeʼmo hau ayamopafiʼmo hauʼniyaʼmonanafa Saiyoni mono no yafa lafi kegiyafiʼmo magokepi lokaeʼa maiʼnaya vayaʼaifeʼmo magoʼe huno hau ayamopafiʼmo hauʼniye.

³ Gotiʼa agaiʼa taonifatiʼmo ha le konali yaʼamo mago vayaʼmo alino apave liʼnigeʼa ageteʼapaeʼmo ava gemo nehae.

⁴ Nagaemo huʼnaeʼmo, Isipi kotega maiʼnaya vayaʼe Mamiloni kotega maiʼnaya vayaʼmogiʼeʼmo nageʼa aeto huʼnae, huʼna huguve. Afiyo, Filisitiya vayanagi Taiya vayanagi Itiyopiya vayanagi huno Gotiʼa taoniʼafiʼmo apavaleno apatesigeʼa vayaʼamo maigae.

⁵ Apakaemo huʼapaeʼmo, Gotiʼa taoniʼafiʼmo alu vaya alu vayaʼmo apavaleno apateʼniye, huʼa hugae. Anaga hogote vekamoʼmo agaiʼamo ani taonimo alino lokiya vaino atesigeno afaʼa hanege hanege huno hanegaiye.

⁶ Ala kava neʼmoʼa agaiʼa taonifiʼmo apavaleno apateʼniya vayaʼmogi apakiʼapimo mukufiʼmo avoʼmo kae malegaiye.

⁷ Yokemo huʼnaya vayaʼmogimo, muki yaʼmo afoʼamogamo maiʼnanagetaeʼmo kagaetegatikeʼmo muki yaʼamo neʼalune, huʼa yokemo nehae.