Samu 82 - The Keyagana NT and 25 OT booksEsafiʼmo avoʼmo kaeʼniya Samu gemae 1 Gotiʼa lokiya vayaʼmo aliʼa anupa huʼa mainayategamo he tino maiʼniye. Agaemo agoti gemo neʼafiya vayaʼai folagapiʼmo agoti gemo neʼafiye. 2 Agaemo agoti gemo neʼafiya vayaʼaifeʼmo hapa painoʼaeʼmo, Hainu afinaʼmo lapakaemo agoti gemo hosu kava hutapa alita fako nehaya kavatapimo aliʼa atalegae. Lapakaemo hosu vayaʼaifeʼmo hapao ke nehae. 3 Lapakaemo kagemi yaʼapimo ohaneʼniya vayaʼe megusa mafaʼne anagaʼeʼmo hapa maege kana yaʼmo aliʼnaya vayaʼe kafu nehaya vayaʼeʼmo hapa maege hisayafeʼmo fatago kavaʼmo hutapa alita fako hiyo. 4 Kagemi yaʼapimo ohaneʼniya vayaʼe kafu nehaya vayaʼeʼmo apakufamo alita katita apateyo. 5 Agoti gemo neʼafiya vayaʼmogimo oʼafige afiʼa aeto osuge huʼnae. Apakaemo hanipiʼmo umenitata nehae. Ma mopafi kavaʼapimo fatago kavaʼmo ohaneʼnigeʼa apakaemo fatago gemo huʼa aliʼa fako nosae. 6 Gotiʼa ani agoti gemo neʼafiya vayaʼaifeʼmo hunoʼaeʼmo, Lapakaemo gotikana hutapa maiʼnae. Mukiʼamogitapamo hogote Goti mafaʼnemo maiʼnayaʼmonanafa 7 afa vayaʼmo nefaliya kava hutapa faligae. Mago yagaiʼniya vekamo asagauno aiʼniyanagetapa asagauta aitapa faligae. 8 O Gotiyo, huʼna, Kagaemo muki nofi vayaʼaiteʼmo yagaika apateʼnanagi he tika muki ma mopafi vayaʼmo agoti huka apato. |
© 2013, Wycliffe Bible Translators, Inc. All rights reserved.
Wycliffe Bible Translators, Inc.